1.) 佳龍駒-少見早熟質高三歲王, 上季尾風頭一時無兩, 其中獅子山錦標以大熱身份殺退美麗大師及天才更加進一步確認其實力. 奈何來到四歲, 傷忠影響進度, 先起沙田錦標退出唔跑得, 之後復出亦只能跑第五, 所以今次強配雷神亦只可視三甲為目標! 2.) 美麗傳承-來港前已經係一匹甚具名氣馬匹, 玫瑰崗堅尼亞軍, 寶馬錦標第四名, 蹄下敗將有珍米嘉, 蒙古可汗, 永存之城 可見份量十足. 在港初戰面對劍斷浪, 在只有七成左右狀態, 加上走位不及劍斷浪好, 最終亦馮質高取得第二名. 到第二仗二班千六, 當時狀態已提升至八成左右, 走位亦都比第一仗跟前左, 結果輕鬆大熱取勝, 雖則勝負距離短, 但肯定仍留有一手~ 此馬將來評分必破120分, 今場目標當然劍指冠軍! 3.) 鷹雄-好一匹昆士蘭打比冠軍, 初出操練未足, 路程嫌短, 負重磅, 結果比佢贏埋. 同場焦點巴基之星發揮其差, 小米周唔放, 西方快車初次增程. 在對手全部有問題下, 比佢攞到個第一係咪真係咁叻呢? 不要忘記, 第二名係勝飛, 只輸一個頭位比鷹雄. 所以結論, 我唔否定佢有質素, 但可能要到正本戲打比二千米先正式見真章, 今場好可能係寓賽於操! 4.) 喜蓮彩星-巴黎大賽冠軍, 今場初出千六米肯定嫌短, 操練亦未足. 長遠目標應以皇太后盃和香港瓶為主, 始終哩半馬一下子縮一哩十分難跑, 今場先行觀望! 5.) 巴基之星-香港人心目中馬王, 亦因一兩場神奇表現而比人無限放大. 導致賠率熱到冇得再熱, 輸死左好多人, 令好多馬迷又愛又恨! 筆者認為換走蔡明紹係最正確的決定, 只識拖隻馬到最後, 入直路爆一段廿一秒幾又如何? 相信好多人都記得威力川和宅大大如何擊敗巴基之星. 就係率先入直路發難走甩你, 再爆一段勁既, 問你點追? 另一個隱憂係上到千六米普通賽事都未贏過, 今場要同呢堆怪物跑,寄望自身更加進步先夠羸! 6.) 明月青天-本身質素已經比不上鷹雄，進度亦都未夠，初出一役亦冇乜睇頭，最後跑十二名, 今場仲要排埋十四檔達少騎, 機會應該冇乜！ 7.) 勁哥兒-意大利打比冠軍，上場出閘慢, 走勢又唔係咁規矩，最後直路爆一段睇下都冇，大敗十五個馬位，今場劃死佢啦！ 8.) 人民武士-我已經計過，足足九場，場場有飛場場輸，輸到唔敢追佢，突然又連殺你兩場，諗住追返一場，結果又大敗！ 坦白講，我唔識捉佢買，計馬亦只有二班中堅能力，跑今場有點兒勉強！ 9.) 勝得威-上場初跑千六，雖則跑第四，但表演喜出望外，沿途三叠望空冇遮擋，正常馬入直應該會散，佢仲可以憑自己鬥心谷返上尼同美麗傳承跑，最後僅輸半個馬位，所以今場點都要埋佢，不能錯過！ 10.)共創更好-來港兩場都冇表現，只見逐步增程，查外地賽績只贏到千五米，當你今場岩跑先，但到打比時有冇咁既長力就有疑問! 11.)西方快車-上場試準千六, 差少少就憑輕磅之利偷襲成功, 但此馬雖要留後追一段, 宏觀今場賽事, 只有綫路勇駒同勝得威會放頭, 所以步速上會對佢不利, 但態勇加莫雅騎, 拖腳就要埋, 獨贏機會就邊線! 12.)綫路勇駒-連續兩場大敗, 上場就前快後弱, 進度完全未夠, 今場只能夠繼續擔電兔一職! 13.)四季旺-連同外地從未跑過千六, 但來港三仗皆有好表現, 上場入直路內欄未能完全望空, 都足已殺退爭分奪秒, 計馬應該會過百分, 但今場強手臨立, 又冇路程經驗, 機會邊線! 14.)怪獸家長-卡士輸哂, d人成日話巴基同怪獸邊隻勁d? 照現在睇, 怪獸上到二班已經企左起度, 連輸兩場冇乜藉口! 而千六亦不及千四咁正宗, 將來二班可以贏, 但都要睇際遇, 今場機會唔樂觀! 歡迎交流~
