因為怕做水魚勁俾人hardsell,所以一直都唔夠膽去試免費facial~今次終於鼓起勇氣試，皆因碌facebook見到現代美容個promotion講到一次過就可以美白補濕、去皺去腫，咁就俾佢吸引咗 >３< 雖然現代美容大大話話開咗二、三十年，但小妹真係未試幫襯佢。一嚟連鎖鋪評價一向麻麻，二來覺得佢啲機都好舊，所以今次見佢有新嘅韓國電光槍試做都好意外！ 一去到登記完之後，就等待職員帶入房，可能因為平日啦，唔算多客人，無等好耐就有美容師帶我入房。 間房都幾大，完全唔覺得逼狹。 今次free try做嘅電光槍係sell「4大功效」，一take過美白保濕、去皺去腫、去暗瘡印、再生細胞，啱晒我呢啲至緊要快靚正嘅師奶仔(=^ω^=) 入到房，美容師先幫我潔面、搽爽膚水，佢話我塊面比較乾，搞到啲細紋出曬嚟 (〒︿〒) 要keep住做保濕護理咁話 幫我清潔完，就開始做機，第一個頭感覺吉吉地，美容師話因為呢個頭有小小電流、可以令皮膚深層都吸收到護膚品的營養，啱晒塊面咁dry嘅我 呢個頭噴出嚟嘅霧氣香噴噴，好舒服！ 第二個頭就暖暖地，會激活淋巴循環同代謝，幫忙廢物及毒素排出；最後個頭就變返凍冰冰，咁樣冰火二重天好舒服！ 第二、三個頭雖然成個熨斗咁，不過就一冷一熱 臨走仲送左盒mask比我 成個過程大約30分鐘左右，小妹舒服到差d訓著，咁整體嚟講我覺得都算幾好，試做完仲有盒面膜送添，好似無出面評價咁差…唔知係咪見我試做所以好啲呢？
