無論冬天定係夏天，我嘅皮膚永遠都覺得好乾，所以我真係要搵好多種方法去保濕先得！！ 不過，未必隻隻方法都有用㗎，所以我今日就嚟分享我嘅經歷比大家！！ 1：飲水 聽落蠢蠢地，但其實都幾直接嘅方法。我覺得有少少乾乾地嘅時候就喪飲水，咁咪可以令到身體無咁缺水囉～飲水會令到個口無咁乾，不過對於皮膚就好似唔算好有效，但飲多D水對身體都係有益嘅。 2：噴補水噴霧 我試過當皮膚乾就拎出嚟噴，但係要一直袋住同隨時拎嚟噴係有少少煩，而且唔夠持久，噴果下覺得好潤，但係好快又會乾返。 3：用保濕產品 其實呢個唔需多講，皮膚咁乾當然要用保濕啦！我試過好多保濕，覺得clarins水潤果個系列最夠潤同有效 4：蒸氣保濕 呢個係聽人講嘅，用蒸面機或者就咁煲D水用水蒸氣蒸塊面十分鐘，我覺得蒸完的確係幾舒服，但係又唔可以算話好保濕，因為只係濕潤同熱吓塊面。
