相信唔少姊妹都同我一樣，作為一個專業嘅家庭「煮婦」， 成日都懶，唔鐘意帶住對手套洗碗。最後就搞到有主婦手！ 之前果排真係好唔開心架，不過自己後來都開始試用吓唔同嘅產品， 所以都想同各位姊妹分享吓心得！ 1﹣Aveeno天然燕麥高效舒緩護手霜 相信唔少有用開Lotion 同Hand Cream嘅姊妹都對Aveeno唔陌生， 因為呢隻牌子喺美國非常出名，因為我本身皮膚都偏乾性，又易敏感， 所以買手部護理產品都要好小心，如果唔係就好容易會起粒粒。 呢隻護手霜非常潤，因為有天然燕麥成份，所以就唔會敏感。 有興趣姊妹可以喺以下官網睇有關資料： http://www.aveeno.com.hk/store/mannings/ 2﹣Clarins 玉手修護霜 Clarins算係我一直都會用嘅一隻好品牌，所以都算係私心推介呢隻俾大家 我多數都會上網直接網購佢一系列手部護理產品，非常方便 呢隻Hand Cream都係用完好乾爽，而且大大改善咗我手指邊緣脫皮嘅情況 又唔會有強烈嘅氣味，我用咗大概兩個月左右，已經有好明顯嘅改變！ 都有好多BLOGGER有推介過，值得一試！
