紀念日唔知點慶祝?呢度有間餐廳想推薦比大家,男朋友們快d mark低,女朋友們快d save低sd比男朋友!🤪男朋友知道我鍾意食威靈頓牛扒,所以專登搵咗呢一間交通方便、位置優越嘅西餐廳同我去食,環境好好,好有藝術氣息之餘仲樓底好高,一入去成個人都會覺得好relax☺️好chill呀餐牌選擇好多,我哋都睇到眼花撩亂,經過討論之後我哋就揀咗下面嗰幾道菜,再另外+2杯嘢飲同埋揀咗個甜品share😋 小食:German Pork Knuckle with Grilled Vegetables in Honey Mustard Sauce迷你德國咸豬手配燒蔬菜佐蜜糖芥末子醬 HKD218 我係鹹豬手嘅忠實粉絲啊!所以一見到呢個就即刻話要叫要叫!🤣🤣雖然話係迷你size,但係一拎上嚟我都嚇親,點解可以咁大舊嘅,一個細食嘅女仔,我估已經飽咗,好在我夠大食😂😂鹹豬手嘅皮外面好硬脆,裏面嘅肉就好結實彈牙,食落去味道都唔錯,再加埋一啲蜜糖芥末醬,即刻想開返場球賽嚟睇🤪Lost Stars精選小食拼盤 HKD268Lost Stars Snacks Platter (手工白啤酒漿炸牛油果條、自家製金文芝士球、自家製蟹餅、單骨棒棒雞)(Fried Avocado Fries with White Beer Batter,Home-made Camembert Cheese Bal,Crab Cake,Bon Bon Chicken Wings) 呢個小食拼盤好大堆頭大製作,而且唔係出面普通嘅料子,佢係唔會有炸薯條fish and chips嗰d,全部都feel到餐廳非常用心咁樣去研發菜式,我就最鍾意手工白啤酒漿炸牛油果條❤️牛油果成熟嘅程度啱啱好,而且外面係手工白啤酒漿,食落去有浸淡淡的麥味,好特別,喺出面其他地方一定唔會食到😬另外我都想推薦呢一個自家製金文芝士球,聽個名好似冇乜特別咁,但係你睇吓圖片,就會見到呢一個芝士球嘅外圍包覆住嘅係一層granola😍食落去係外面有微微嘅甜味,以入面就有金文畢芝士嘅鹹香襯托住,加上入口層次非常豐富,成件事簡直係享受! Main: 火山石燒澳洲霜降M5和牛腹扒伴牛油汁輕煮蔬菜佐意大利鮮香芹醬 HKD388Char-grilled Australia M5 Wagyu Flank with Fried Seasonal Vegetables in Fresh Parsley Dressing 我係牛魔王就全世界都知嫁啦,點可以錯過呢一個火山石燒澳洲霜降M5和牛腹扒呢?澳洲霜降M5和牛紋路非常之靚,驟眼睇落去已經見到啲雪花,食落去更加係入口即溶,唔呃大家,一入口我已經「唔~」咗一聲🤪好嘅食物必須要讚嘆!加上佢係用火山石燒,牛扒上面微微焦嘅部份食落去都非常之香口,只係落少少海鹽去調味已經好足夠去凸顯呢一舊食材到底有幾靚🤤一片牛,一片Fresh Parsley夾住食,牛嘅香味會更加明顯哦~~ 威靈頓牛柳配法式伯那西醬佐意大利鮮香芹及甜醋初榨橄欖油(2人用)HKD788 Beef Weilington In Bearnaise Sauce,Fresh Parsiey&Mixed Extra Virgin Olive Oil&Balsamic Vinegar 威靈頓牛柳必須半日前預訂,大家記得早少少打電話去留貨啊!終於嚟到我哋嘅主角喇,一上枱我已經即刻心心眼😍呢一個橫切面,呢一個粉紅色,真係引死人呀!😭💕Beef Wellington除咗舊牛柳之外,精華所在都係塊酥皮同埋入面嘅菇菌醬,而Lost Star兩樣嘢都處理得非常之好,所以成件事加起上嚟係令人驚嘆❗️結論係一!定!要!食!而且配菜都毫不馬虎,800蚊唔洗真係抵食~so far 係我喺香港食過最出色嘅Beef Wellington呢👍🏻 意大利傳統提拉米蘇 Tiramisu HKD138 我一坐底已經嘈要食tiramisu😂😂好正仲有得畫碟🤤寫翻個“Happy 4th Anniversary♡︎“充滿儀式感👩❤️💋👨Mascarpone cheese 係一種意式軟芝士,質地柔軟,介乎Cream Cheese跟忌廉中間,呢個tiramisu打得好滑,奶香濃郁,加上espresso 咖啡香突出,兩者完美結合,表面薄薄一層微苦可可粉更是畫龍點精,唔該我要多十杯!XDDD點擊圖片放大 順帶一提點咗2杯cocktail,食飯慶祝點可以冇得cheers😏How Long Will I Love You HKD148Margarita HKD98 聽名都知一定要叫呢杯How long will I love you啦🥰答案係?Forever❤️How Long Will I Love You 係由新鮮菠蘿和覆盆子組成,infuse左earl grey同檸檬汁,特別之處係酒base用咗比較乾身嘅Dolin Rosso,飲落去有d似smoothie😂 Margarita 就係用Olmeca白龍舌蘭酒同君度橙酒做base,另外還有少許檸檬汁及白糖,杯緣亦有少量海鹽及青檸,偏甜少少,女士啱飲,層次方面How Long Will I Love You略勝一籌☺️💖最後大家記得一定要喺九點之前食完同埋飲完所有晚餐,因為九點餐廳會開始有liveband表演,由於政府嘅政策,我哋係唔可以一到食嘢或者飲嘢咁樣睇表演㗎!我們手牽手黏在一起看live music,好浪漫呢~~🥰 食到超飽好滿足嘅一餐,下次再食過先🥰LOST STARS LIVEHOUSE BAR & EATERY📍大角咀利得街11號利奥坊一期地下506號舖✨如果喜歡我的文章,可以關注我及讚好以作鼓勵喔✨Openrice食評: https://www.openrice.com/zh/restaurant/userinfo.htm?userid=63994613===========================❤️︎最新粉絲人數突破一萬 謝謝大家支持❤️︎💕 用 心 寫 好 每 一 篇 💕 你們的支持是我分享的動力喔❤️歡迎關注我的其他平台⤵️IG: www.instagram.com/_rubyyyy.cFB: www.facebook.com/ruby.chung.129☁︎︎ ☕︎︎ Openrice 𝗹𝘃𝟰 ☁︎︎ 大眾點評𝗹𝘃𝟲 𝗩𝗜𝗣☁︎︎ Tripadvisor 𝗹𝘃𝟱 ☁︎︎ GOOGLE Review ✍︎︎ ☁於各大平台亦有開設blogs,歡迎追蹤❤️Blogspot: https://ohmyruby.blogspot.com/?m=1Ublog: https://blog.ulifestyle.com.hk/blogger/rubyc/ BE: Https://beautyexchange.com.hk/blog/小璐%20RubyGirlssss.com: https://girlssss.com/author/rubyyyy-c/Yontent: https://api.yontent.com/posts/91326e43-6500-46e1-9f79-3a296f181f49/還有更多不能盡錄❣️💌Contact me at: rubyyyy.c228@gmail.com🎀歡迎邀稿合作、出席活動🎀