鬧市中一點寧靜omakase 🐰揀左料理長發辦$980需加一服務費。 餐廳環境舒適，有好多綠色植物增添園藝feel。 師傅都幾健談，因為好多款魚🐰都係第一次食，而且第一次見原條魚，所以🐰好似好奇寶寶甘不停問問題，師傅都非常有耐性細心解答！🐇前菜 🥕茶碗蒸表面放上海藻，加上香滑重蛋味，感覺特別。 🥕鱒魚配上酸洋蔥，食芝酸酸甜甜好開胃 🐇季節清湯⭐️⭐️⭐️⭐️⭐️ 湯中有粒大蜆，表面有桑葉，又一直浸住柚子皮令湯更加清香，清湯完全冇落過一粒鹽，完全靠幾款材料調出清甜鮮味。 🐇刺身 🥕薄切櫻鯛⭐️⭐️⭐️⭐️⭐️ 配上酸汁有蔥蘿蔔蓉、紫蘇花碎、青檸，三片配上三款口味，各有特色。 🥕縞鰺⭐️⭐️⭐️⭐️⭐️ 係白身魚，食落爽口肉質細緻，配上醬油芥末更能帶出甜美味道。 🥕關鯖魚⭐️⭐️⭐️⭐️⭐️ 因為比較厚身所以中間切左一刀方便咀嚼，肉質紮實，越嚼個味道會越黎越濃郁，關鯖魚既油份水份都多，所以食落好鮮美。 🥕活赤貝⭐️⭐️⭐️⭐️⭐️ 拍一拍令佢組織收縮更加爽口，底下有檸檬可以點一點，令其鮮味十足。 🥕北海道八爪魚⭐️⭐️⭐️⭐️⭐️ 左邊係腳身，去左衣身所以只有微微既煙韌，好正夠鮮甜。 右邊係吸盤，勁爽脆有咬口。 師傅攞出八爪魚腳真心驚訝真係好長！ 🐇和食料理⭐️⭐️⭐️⭐️⭐️ 櫻鯛昆布醬油燒，食落軟綿綿，十分香口。 擺盤放上櫻花代表春天當季海鮮 🐇壽司 🥕魴鮄魚⭐️⭐️⭐️⭐️⭐️ 🐰第一次食，食落幾爽口，味道清甜，魚肉質紮實。 來自本州中部靜岡縣，會張開魚鰭嚇敵。 🥕八角魚⭐️⭐️⭐️⭐️⭐️ 白皙既魚肉，魚油脂好香，慢慢浸出黎，十分鮮美。 來自北海道小津特產，表面好似盔甲甘，張開魚鰭好似孔雀開屏甘去嚇敵。 🥕針魚⭐️⭐️⭐️⭐️⭐️ 針魚黎自四國西北部愛媛縣神愛村，食落魚味略淡不過幾清香，又帶點厚厚油脂感。 🥕金目鯛⭐️⭐️⭐️⭐️⭐️ 師傅先用熱水滾過魚皮，令脂肪融化，食落油脂適中肥而不膩，肉質細膩。 🥕白蝦⭐️⭐️⭐️⭐️⭐️ 黎自富山既白蝦本身其身體呈透明，死後變成乳白色，係春季先有架，肉質爽口彈牙，口感軟綿黏口。 🥕帆立貝⭐️⭐️⭐️⭐️⭐️ 師用傳統捏法增加口感，大粒鮮甜。 🥕大吞拿魚⭐️⭐️⭐️⭐️⭐️ 加左少少鹽降低油膩感，入口即溶，脂肪豐富好肥美。 🥕中吞拿魚⭐️⭐️⭐️⭐️⭐️ 比較紅色，魚油脂剛好，非常甘香 🥕海膽手卷⭐️⭐️⭐️⭐️⭐️ 用左馬糞海膽，口感嫩滑又有點黏稠，味道甘甜清香。 🐇麵鼓湯⭐️⭐️⭐️⭐️☆ 落左魚肉去煲，更加鮮味。 🐇橙汁⭐️⭐️⭐️⭐️⭐️ 🐇熱情果芝士餅⭐️⭐️⭐️⭐️⭐️ 用左沖繩熱情果，黑色一點點係熱情果籽，食落酸酸甜甜，非常解膩。 ======詳情====== 寿々乃 跑馬地黃泥涌道163號地鋪 👣銅鑼灣站A出口步行約分鐘 ================
