主打潮州食材車仔麵 🥕豪華九寶大雜麵$49⭐️⭐️⭐️⭐️⭐️ 牛腩炆得好入味又夠淋5會鞋口，瑞士汁雞翼又係夠晒入味夠晒淋味道適中，豬紅真係超級新鮮實屬難得，豬皮蘿蔔都係大塊又淋又入味，紅腸有輕輕煎過好香口。粗麵食落好滑身，仲要好大份。 最後老闆仲送左潮州魚片俾我地試下呢～真係好正宗好正！ 🥕紫菜4寶$39⭐️⭐️⭐️⭐️⭐️ 有魷魚既魷魚丸冇落粉所以真係好彈牙，完全係真材實料。 秘製瀨尿牛筋丸係潮汕小吃，又係手打牛筋丸，所以好彈牙，一口即爆汁一定小心食，好重牛味好正！ 汕尾馬駮豬肉丸好難得仲會食到，味道幾特別，幾香魚味又夠鮮味。 再配上店家既黃金雞湯，非常清甜，微微既雞香，仲有好多紫菜同生菜，好抵食！ 重點全部丸都係人手捶打製造實屬難得 🥕咖喱魚蛋魷魚$36⭐️⭐️⭐️⭐️⭐️ 咖喱好香，不會太辣，感覺有落少少玉桂，魚蛋同魷魚幾入味，魚蛋夠彈牙魷魚夠淋 🥕香辣單骨雞中翼$26⭐️⭐️⭐️⭐️⭐️ 雞中翼炸到好香脆可口，又夠Juice又肥美仲好滑，再撒上辣粉真係好惹味！ 🥕酸齋+$9⭐️⭐️⭐️⭐️☆ 酸度剛好，食落好開胃，比較重蕃茄汁既香。 🥕手打檸檬茶⭐️⭐️⭐️⭐️⭐️ 好清新，不會太酸太甜剛剛好 🥕低糖有機豆漿+$10 🥕無糖烏龍茶+$10 🥕無糖茉莉花茶+$10 枱面既菜脯幾香辣下，又惹味，送麵一流！ 食食下仲留意到小店下午茶勁抵食！$33就可以任揀2餸再配麵送埋杯飲品👍 小店非常有人情味，會關心客人口味同需要，又會吹下水甘。 ======詳情====== 一喜車仔麵 土瓜灣北帝街31號地下 👣土瓜灣站B出口步行約6分鐘 ================
