新開貓頭鷹西餐 餐廳依加有活動，睇自己個名可以中幾多個字就有番對應既優惠，大家可以睇番同行人士邊個既名中得最多就用邊個既名，而且個優惠暫時每日都可以用架！🐰就中左5個字呀～所以就揀左要甜品布朗尼啦～ 🥕燒澳洲特級肉眼扒8oz$228⭐️⭐️⭐️⭐️☆肉眼扒勁大塊又厚切，煎得好靚，幾juice嫩滑，肥瘦均勻。 頭盤有椰菜薯仔湯飲落有微微既蕃茄味濃郁得黎又幾清新，非常高鑯，重點係店家自己打，會有點薯蓉既感覺。另外仲有蕃茄水牛芝士沙律配上意大利黑醋，十分開胃。 🥕流心車打芝士釀和牛漢堡配五重芝士醬$138+香煎鴨肝$78⭐️⭐️⭐️⭐️⭐️加左香煎鴨肝，一咬落去油脂完美爆發，再配上勁厚既和牛加上和牛既油脂香，成件事真係好邪惡，而且和牛十分大塊，再配上流晒出黎既芝士真係完美配搭，麵包過一過火令到表面既芝麻好香，非常鬆軟。另外揀左炒雜菜同埋薯條，炒雜菜勁入味又係用左甜紅椒去炒非常惹味，薯條夠香脆可口。 🥕朱古力布朗尼$68⭐️⭐️⭐️⭐️⭐️即叫即焗，食落微熱外面好香脆帶點焦香，勁香濃朱古力味但又不會太甜，底下仲有蜜糖同埋朱古力醬，再加上藍莓、士多啤梨和紅桑子。 🥕檸檬茶 小店裝修非常用心，以貓頭鷹為主，另外對於🐰係迪士尼迷黎講有驚喜，因為有齊七寶既針織公仔呢！店員服務態度良好，座位舒適，晚上燈光偏暗幾有氣氛。需加一服務費。 ======詳情======Owl’s Stage 太子大南街27-31號富威閣地下3-4號舖👣太子站C2出口步行約2分鐘================
