午餐66折鐵板燒 見到午餐有66折優惠，就揀左中午去食下真係幾抵，叫左R餐，師傅非常有禮用心，一邊吹水一邊介紹下食物，慢慢享受，師傅最後既一幅畫畫得好可愛，完全係驚喜呀～ 🥕沙律前菜⭐️⭐️⭐️⭐️☆ 沙律菜新鮮，車厘茄非常清甜，仲有芥末八爪魚同埋魚乾合桃。 🥕南非大鮑魚⭐️⭐️⭐️⭐️⭐️ 一上枱非常新鮮，鮑魚郁得好勁又大隻，食落彈牙爽口，師傅建議可以點酸甜汁黎食。 🥕大海蝦⭐️⭐️⭐️⭐️⭐️ 用左本身既蝦膏加左蒜蓉、檸檬、日本清酒去汁去調味，燒到微微焦香，食落更加鮮甜。 🥕法國鵝肝⭐️⭐️⭐️⭐️⭐️ 鵝肝煎到外面微微焦香，但內嫩，入口油脂爆發，多士十分香脆，最後再食菠蘿既酸甜完全可以解左油膩感。 🥕日本A4和牛薄燒⭐️⭐️⭐️⭐️⭐️ 叫左5成熟，和牛包裹住炒過既蔥蒜，牛味好出又嫩，師傅建議點左邊既燒肉汁，令和牛更加香同微甜。 🥕蝦乾蟹子炒飯⭐️⭐️⭐️⭐️☆ 表面放上蝦頭，非常邪惡，白飯加蛋再加蝦乾蟹子炒到粒粒分明。 🥕季節野菜⭐️⭐️⭐️⭐️☆ 紫色係日本蕃薯非常甜 蓮藕脆卜卜 🥕海鮮湯⭐️⭐️⭐️⭐️☆ 清清淡淡，不會太鹹，鮮味十足。 🥕炒雜菜⭐️⭐️⭐️⭐️☆ 🥕甜品⭐️⭐️⭐️⭐️☆ 係荔枝味雪糕呀～ ======詳情====== 鐵板超 尖沙咀麼地道61號冠華中心地下1號舖 👣尖東站P2出口步行約1分鐘 ================
