洪水橋隱世大排檔 依間大排檔全部菜都係大大碟，真係好難得！ 環境會比較簡陋少少，不過都乾淨，但好有以前既氣氛，3月15號定5知17號開始夜晚都會有得抽獎，係現金哦！ 而且係揸車人士既福音，只要光顧都可以有2小時免費泊車哦！ 🥕酸菜魚$138⭐️⭐️⭐️⭐️⭐️ 一上枱勁大盤！表面好多芫荽，魚勁嫩滑，而且完全冇骨，可以食得好盡興，底下有好多不同配料，加上有好多既寬粉條，雖然睇落好多辣椒，但其實5係太辣只係微辣甘好惹味，成件事真係好抵食！ 🥕豉椒花甲$138⭐️⭐️⭐️⭐️☆ 炒到好入味，好香豉椒味，花甲都幾大隻又多，冇沙👍 🥕沙薑雞腳$88⭐️⭐️⭐️⭐️⭐️ 炆到好淋又好入味，味道剛好，一啜已經可以分離，勁容易食，加上又夠大隻。 🥕金銀蛋莧菜$108⭐️⭐️☆☆☆ 炒到有少少老，所以就差dd了。 🥕咕嚕肉$98⭐️⭐️⭐️⭐️☆ 係🐰中意既咕嚕肉，酸酸甜甜勁開胃，每塊肉都大大塊，不過同行朋友就感覺酸左dd啦～ 🥕元氣堂飲品⭐️⭐️⭐️⭐️⭐️ 全部都幾真材實料，又不過太甜，不錯！ ======詳情====== 洪昇食堂 元朗洪水橋洪元路55號地舖 👣輕鐵洪水橋站步行約3分鐘 ================
