東涌新開越南菜 🐰同朋友叫左2人套餐$232 包越南主食2款+特色小食拼盤+風味飲2杯 因為叫左套餐仲可以加配小食自由選$46/2款。 🥕越式霸氣招牌粉+$18⭐️⭐️⭐️⭐️⭐️ 一上枱飲左一啖湯先，勁濃郁既牛味好正，河粉口感不錯，有安格斯牛小排重牛味，牛尾炆到淋晒，牛筋炆到好淋勁易咬非常適合🐰，油炸鬼即炸出黎好香口，再漏落湯度再食又有種食響鈴既感覺，仲可以索晒d湯汁黎食更加正👍 🥕酥炸軟殼蟹撈檬⭐️⭐️⭐️⭐️☆ 原隻軟殼蟹，多蟹肉，炸到好酥脆香口，撈檬仲有青瓜絲、胡蘿蔔絲同埋肉鬆，撈檬附上既汁微酸微辣偏甜，完全適合5食得太辣太酸既朋友仔哦！ 🥕特色小食拼盤⭐️⭐️⭐️⭐️☆ 有金絲網蝦春卷、越式蔗蝦、香茅豬扒、越式蒜蓉牛油雞翼，全部都炸到好香脆可口，越式蔗蝦需要少少牙口去咬，食完蝦肉再咬到甘蔗既清新既感覺好得意。蒜蓉牛油雞翼真係好重蒜蓉味，勁正。 🥕越式蔥油雞翼⭐️⭐️⭐️☆☆ 真係放左好多蔥油，真係好香，不過會有少少油膩。 🥕椰青椰汁糕(2件)⭐️⭐️⭐️☆☆ 係用大菜去整，淋上椰奶，整體不錯不會太甜，椰青幾清香。 🥕椰汁紅豆冰+$14⭐️⭐️⭐️⭐️☆ 重椰汁味，甜度適中，紅豆夠淋。 🥕清甜甘蔗汁(凍)⭐️⭐️⭐️☆☆ 不會太甜，偏清新，淡淡既甘蔗香。 🥕蟹肉牛油果香芒沙律$88⭐️⭐️⭐️☆☆ 蟹肉幾重胡椒香，沙律菜新鮮，牛油果剛熟，芒果好香芒果味，加上越式汁再全部撈埋一齊黎食別有一番感覺。 ======詳情====== 錦麗 東涌達東路20號東薈城名店倉7樓703號舖 👣東涌站C出口步行約1分鐘 ================
