猶如置身韓國餐廳 🥕牛五花$158⭐️⭐️⭐️⭐️⭐️ 醃左酸甜汁，非常入味，剛好可以解左油膩感，十分肥美，油脂入口爆香。 🥕豬頸肉$150⭐️⭐️⭐️☆☆ 形狀比較難燒少少既，燒完好香豬油，又夠脆又服美，幾正下。 🥕調味醬油雞肉$110⭐️⭐️⭐️☆☆ 原塊醃好既雞肉上，感覺5夠入味，燒完再點醬汁食就剛好了。 🥕蟹籽紫菜飯團$50⭐️⭐️⭐️⭐️☆ 一上枱🐰逼不及待戴上手套拌勻佢，再一個個捏成小球球，一口一個剛剛好，好香麻油同埋紫菜味，有時再配上一口肉真係完美。 配菜區有泡菜、醃蘿蔔、醃青瓜，🐰好中意佢既泡菜夠辣，但辣得黎又剛剛好接受到既辣🤣🐰攞左三次呢～ 爐邊既蛋漿可以無限添加，可以揀芝士or泡菜，蛋味夠重，所以都加左一次。 店舖裝修完全有去左韓國既感覺，餐廳全程都係播住韓文歌，不過油煙感有d重，地下亦都痴笠笠。 ======詳情====== 喜來稀肉 尖沙咀金巴利道79-81號金栢閣1樓連地下 👣佐敦站D出口步行約8分鐘 ================
