芝士控韓國菜 🥕招牌甜辣芝士無骨烤雞 $205⭐️⭐️⭐️⭐️☆ 表面滿滿邪惡既芝士,而且可以拉絲,可以包裹住烤雞黎食,十分滿足。醬汁甜甜地辣辣地好過癮,比較偏甜,有少少好似微辣既甜醬甘。配料仲有獅子狗,底下佈滿年糕,年糕十分軟糯。 🥕芝士辣撈麵 $135⭐️⭐️⭐️⭐️☆ 一上枱熱辣辣,芝士同拉麵融為一體一啖放落口真係絕配,拉麵係農心拉麵,十分彈牙,味道香辣而惹味,有魚糕片。 🥕YUJA(柚子) Yogurt $58⭐️⭐️⭐️⭐️⭐️ 滿滿一杯,充滿柚子味,又有少少柚子醬既feel,而且滿滿既乳酸菌,飲落又好Fresh! 環境乾淨企理,走黑白風,如坐窗邊既卡位可可望住地鐵不停經過,有種莫名既療癒,店員會主動加水,需加一服務費。 ======詳情====== Dodam Chicken (1亞太中心) 觀塘觀塘道414號1亞太中心3樓1號舖 👣觀塘站A2出口步行約5分鐘 ================