性價比高海鮮粥底火鍋 1階：🐰同朋友揀左要粥水 2階：店員好nice，會主動講落海鮮既先後次序。🥕肉蟹+沙白蜆$218🥕龍蝦+沙白蜆$238肉蟹同龍蝦肉質不錯幾鮮甜，沙白蜆冇乜沙，不會腥。3階：每位需選相同海鮮🥕鮑魚、海蝦、花甲、貴妃蚌、刀貝海鮮都幾新鮮，鮑魚仲識得郁，海蝦仲生猛甘跳，跟住店家提供既最佳時間去煮，令到海鮮全部口感都不錯，不會生又不會過熟。 4階：每位可選4款配料🥕自家製手打淮山雞軟骨丸、台灣芋頭丸都十分有驚喜，淮山雞軟骨丸打得彈牙，味道足夠，淮山同雞軟骨完全融合。🥕肥牛都幾新鮮，有牛味。🥕芝士豆腐同芝心獅子狗都係同一款芝士，不過對比下芝心獅子狗比較邪惡，因為中間全部都係芝士。🥕竹笙同萵筍煮到淋晒入晒海鮮味，好正。 🥕花膠仔完全煮到溶入粥中食到最後會上埋煲粥既材料，放左南瓜粒同芋頭粒慢慢煮，煮到甘上下會有店員貼心過幫你落最後既材料煮成粥，仲會問你大概想要既稀杰度。🐇最後碗粥真係好鮮甜，完全靠之前既海鮮同材料去調味，冇任何味精所以不會口渴，🐰平時真係好少食粥，但今次都忍5住亳不客氣甘食左2碗，就已經好飽飽了，最後真係食得好滿足呀～ 🥕飲品康師傅酸梅湯$16鴻福堂咸柑桔$16 座位舒適寬敞，冷氣足夠。 ======詳情======鍋心粥底火鍋 (安寧路)元朗安寧路38號世宙第三座地下23號舖================
