打卡靚靚泰式cafe 差不多14:24到餐廳，所以仲有午餐，朋友就睇中左一個午餐，一到14:30時就有下午茶，所以叫左午餐又可以下午茶🤣 🥕清邁咖喱牛肉金麵$118⭐️⭐️⭐️⭐️⭐️清邁咖喱好香，咖喱完美甘包裹晒麵條，每一啖都充滿咖喱香，牛腩亦炆到入晒味而且夠晒淋，咖喱微辣得黎又不會太辣，整體好惹味呀～ 🥕泰式雞肉金邊粉$88⭐️⭐️⭐️⭐️☆雞肉甜甜的，醬汁都係偏甜，金邊粉口感剛好，成碟野都係甜甜地，中意食甜既朋友一定會中意。配菜有露筍、芽菜、豆乾，更加有辣椒粉、花生粒等你自己加配落金邊粉。 🥕TY芒果糯米飯$88⭐️⭐️⭐️☆☆雪糕偏向重奶味，雪糕中有椰絲，芒果好靚甘卷住雪糕，芒果酸酸甜甜好開胃，又好重芒果味，配椰奶，糯米飯竟然係用斑蘭去整，微微既斑蘭香再加上芒果再配上椰奶，成件事好正！ 🥕椰殼椰子雪糕 跟午餐+$58⭐️⭐️⭐️☆☆好多配料有椰子乾、檸檬乾、椰絲、花生粒、椰子脆、粟米、士多啤梨、藍莓。全部用椰殼裝住，再配上2球椰子雪糕。 🥕椰香菠蘿飄雪(凍) +$18⭐️⭐️⭐️⭐️☆飲落好香椰奶香，再加上菠蘿既微酸，整體酸甜酸甜，又有乳酪既感覺，口感都偏杰身，表面既菠蘿乾更增添風味。 🥕泰式奶茶⭐️⭐️⭐️⭐️☆奶味好重好香，微微既茶香，整體甜度適中。 環境舒適文青，打卡一流，而且播住泰文歌，真係好似去左泰國cafe既感覺，店員服務態度良好，需加一服務費。 ======詳情======Tommy Yummy中環威靈頓街98號翡翠中心1樓================
