旺角抵食燒肉放題 🐇SPF極黑牛吃到飽$308(19:30前離座)即場做會員有迎新優惠，可以95折呀～所以我同朋友2位都係$647已連加一服務費，可以食120分鐘，所以成件事真係幾抵食下。 🥕送贈⭐️⭐️⭐️☆☆澳洲M5和牛好重油脂香，但牛味5係太出安格斯牛小排完全感覺5到係安格斯，感覺5到係牛小排。。。所以叫SPF依個set就夠了 🥕牛類⭐️⭐️⭐️⭐️☆美國SPF極黑牛同SPF極黑一口牛，都有牛味，不過5會太重味，而且都比較有咬口同煙靭。三角牛肩肉油脂會香d，牛味都出d，所以都叫多左幾次黎食。秘製牛肋條都重牛味，嫩滑易咬。山椒牛柳丁幾重黑椒味，但又5會蓋晒牛味，都不錯。牛仔骨係最重牛味，不過出品會有d差池，有d好肥，有d肥瘦剛好，肥瘦剛好既真係幾好食，又入味易咬。 🥕豬類⭐️⭐️⭐️⭐️⭐️烤豬肉乾幾厚身，燒一燒就已經可以食，雪花豬燒完好香口，又新鮮，又夠肥美。 🥕雞類⭐️⭐️⭐️☆☆夠嫩滑，不過雞味5太重。 🥕青口⭐️⭐️⭐️☆☆夠大隻夠新鮮，不會腥。 🥕小食⭐️⭐️⭐️⭐️⭐️鹽酥雞炸得好香脆嫩滑。青瓜夠酸，勁開胃又可以解燒肉既油膩感。 🥕飲品⭐️⭐️⭐️⭐️⭐️每人每部手機即場like&follow可以送一杯草莓戀人，成件事勁士多啤梨味，好似飲緊草莓奶甘，又不會太甜，感覺有落到益力多，仲有好多爆爆珠。百香果綠茶叫左少甜，好香百香果味，綠茶既茶味亦好出色。火龍紅茶係必吃，底下真係好多火龍果，撈埋紅茶一齊飲抵好夾。 店舖十分大空間足夠，座位寬敞又多卡位，店員服務態度良好。 ======詳情======安平燒肉旺角彌敦道593-601號創興廣場9樓================
