文青咖啡店荳子 🥕燒豬仔骨(半份)$228一上枱勁大條，有成8條骨，勁多肉，用左慢煮跟住再焗，肉質有d位易咬有d位略鞋，味道正常偏淡，所以有另上bbq汁可以再點黎食。底下墊勁多薯條，大大條，食完都好飽 🥕黃金蟹肉意粉$118⭐️⭐️⭐️⭐️⭐️有一隻蟹裝住一隻蛋黃，入面勁多蟹膏，全部撈埋一齊再倒落意粉度再撈埋一齊食，成件勁正勁邪惡，醬汁勁creamy ，細細碟食落都好飽。 🥕千島醬蟹棒蟹子帆立貝薄餅$108⭐️⭐️⭐️⭐️⭐️有原粒帆立貝，配搭在pizza度都幾特別，粒帆立貝就咁拮黎食，個pizza底比較鬆軟，就好像吃緊麵包一樣。 🥕黑松露薯條 跟餐+$28⭐️⭐️⭐️⭐️⭐️薯條夠粗夠大條，炸得十分香脆可口，再點埋勁濃郁既黑松露醬，完全食到停5到口。 🥕Autumn Breeze 跟餐+$28⭐️⭐️⭐️⭐️☆表面放左粒栗子，好多栗子蓉，栗子蓉既味道清淡清香，中間有cream，再配上撻底，整體不錯。 🥕Tiramisu 跟餐+$28⭐️⭐️⭐️⭐️☆濃郁咖啡香，夠creamy，忌廉芝士同cream既比例剛好，所以食完都不會太膩。 🥕特濃朱古力(熱)$42表面多種朱古力真係睇見都好邪惡，仲撒上左可可粉，飲落微苦好香朱古力味，完全不會甜。 🥕榛子拿鐵(凍)$39⭐️⭐️⭐️⭐️☆加左錢要燕麥奶，奶味足，微苦，都幾香下。 ======詳情======Beans the Rambler青衣青敬路33號青衣城2期2樓222號舖================
