唔知有冇人同我一樣「狂熱」鐘意飲可樂嘅，一日唔飲2樽就唔舒服個種，有嘅話我都系建議冇飲太多了，因為我自己已經食到苦頭，今日就系講下之前自己嘅一隻爛牙尋醫求診嘅辛酸過程。自己左下邊隻大牙就系因為飲多咗可樂早早就蛀到黑曬，雖然平時都有早晚刷牙，但個d黑線點樣都刷唔甩，不過當時唔痛就冇理la。後尾食嘢時，肉會塞入牙喇，之後隻牙一咬嘢就有種異物酸脹感，我諗應該要睇牙醫了，但系過咗兩日又冇事咁，就又冇去。直到有日用哩隻牙食桃果時突然咬崩咗，我先知道大禍了。當時都幾驚下，第二日就去kw睇，醫生檢查完同我講補牙冇得補la，因為斷到只剩d牙體同埋牙根，keep唔到啦，需要剝牙，費用大概係$2000，後尾植牙都至少$25000。不過當下唔可以即刻剝，要先食d消炎藥，炎症好翻再講。自己覺得收費有d離譜，就只問醫生摞咗消炎藥，不過診金檢查同摞藥都用咗$312。後來做咗一翻功課之後，先知其實澳門邊度睇牙都差唔多係呢個價，上下波動二三百咁，且評價都係一半好，一半壞，整到好難做決定。 件事轉折就系我同一個至細玩到大嘅fd講咗自己牙齒嘅事之後，佢就話帶我去大陸睇，由於之前佢去睇過，我覺得應該都幾穩陣。佢幫我book咗時間。到睇牙個日，過咗關閘，我以為要行好耐，起碼打個的士之類嘅，冇諗到兩步路就到咗。間診所叫維港。同醫生大概講述下自己嘅情況之後就去影x-ray，睇完片醫生都系話要剝牙，由於我有d驚，佢就安慰話剝牙根都算比較簡單嘅手術仔，叫我冇需擔心。之後comfirm吓價錢，$200人仔（咦，比澳門平成10倍wor）！諗下價格平，醫生資質還算可以就決定系度整。手術會打麻醉，其實都冇乜也痛覺，只覺得醫生用工具整緊隻牙，仲有姑娘用水槍一直向嘴入邊沖水，過咗大概十幾分鐘醫生就話ok了（確實係小手術wor~），之後姑娘會摞冰袋俾你冰敷鎮痛消腫，30分鐘後俾醫生睇下傷口，確認安全就摞藥翻澳門了。之前聽到有好多人話剝牙好痛，其實自己親身經歷咗發覺好似都冇咁誇張，止痛藥第二日就可以唔食，但系消炎藥都要食嘅，防止傷口發炎感染。諗咗下應該都關乎醫生手勢嘅問題，可能醫生手勢好，傷口細就唔會痛。轟轟烈烈嘅剝牙經歷就到此完結，但因為宜家缺咗隻牙，所以又要開始新一輪嘅睇牙醫經歷了。
