今日rita同大家share下自己出珠海箍牙嘅經歷。 點解要箍牙？其實自己從細細個就牙齒唔齊，被同學嘲笑過，起過花名（哨牙妹），所以整到自己都有d自卑感。後來大個咗有d經濟能力了，諗住去整好排牙，就係緊樣接觸到箍牙。 箍牙澳門哩邊感覺每家都好似係七分水準，有好有壞，而且價格方面都好貴（其實自己都係啱出來做嘢），所以就冇選擇； 因為箍牙要複診好多次，珠海當時主要就係拱北口岸附近作考慮。太遠都不作考慮。同埋牙醫資質我都比較睇重。通過對比多方面，都係選擇咗去維港，因為一方面感覺比較放心（係香港深圳都有店，口碑都比較好），另一方面價格都接受到（咨詢過美國嘅自鎖牙套$16000），同埋都有去做足功課，好評都係比較多。 決定咗就開始做矯正準備，拍X-ray先知自己要剝智慧齒，仲有一個係埋伏牙（所以我牙齒先會咁亂）。所以後來嘅一個月都係要先剝完牙，再同我做箍牙嘅療程，等確認冇乜嘢牙周方面嘅問題了，就真開始戴牙套了。 戴牙套嘅過程冇乜嘢感覺，就覺得有嘢係牙上面？中午食飯嘅時候都正常，就係會塞住隻牙。最難頂就係當日晚上了，開始發覺自己嘅牙齒酸軟冇力，食個包都好難咬得郁，訓覺時都會隱隱咗痛，其實過陣自己有d後悔了，不過諗到之後牙齊嘅樣，又頂咗落來。大概係一個星期緊到啦，開始習慣。 講翻後來，戴咗牙套後會遇到嘅問題，比如話塞牙刷唔乾淨，嘴唇容易幹啊。總而之一遇到問題我就去問醫生，佢又唔嫌我煩，同我講d牙齒護理嘅知識，仲推介我買邊种衝牙器，電動牙刷。哩兩件嘢的確好有用，唔單止解決清潔問題，用起身仲好舒服。後來基本間隔一個半月就去複診，每次醫生都會幫我調整弓絲，調整完都係頭一個星期會比較奇怪，後來就冇乜嘢感覺，雖然過程有小小辛苦，不過可以好明顯睇得到自己嘅牙慢慢變樣，開始有d齊，所以醫生嘅水準都係好專業。 費用：剝3隻智慧齒同1隻埋伏牙，一共$2600，加美國進口自鎖牙套$16000，全部費用一共加埋係$18600
