星期六下午差不多5點來到雪ノ下,門口已經好多人排隊 我地訂左6人枱都要等,因為店面不是很大 等緊既時候waiter就叫我地先落單,佢話係即叫即做,要整10零分鐘 我地叫左一個Mandarin Honey, Matcha 同埋Dark Chocolate 店面風格有點和風味道,當然啦,來自日本嘛 廚房L 形係店內左邊,右邊約有2X個位,排得都幾密 我們一行5人,坐低就去cashier 俾錢,各自叫左飲品 Mandarin Honey黎左先,Mandarin 相當於原味 一黎就有一陣好香既蛋味 原來雪ノ下係用日本廣島雞蛋做,個蛋味真係好出 Pancake上面有一小方塊的牛油,再配一小瓶蜜糖 牛油係來自宮崎縣高千穗,而蜜糖係愛媛縣小池養蜂園蜜柑蜂蜜,全部都係日本野 Pancake面係慢火煎出黎 食落口感好厚實,完全唔係好鬆軟既感覺,更似一個蛋糕,不過係好食既 但係好食到個牛油香同埋蜜柑巴香味~ 之後上枱既係Matcha,佢係抹茶紅豆味 一黎到個個賣相好吸引,綠色既抹茶蛋糕上面有D cream,旁邊有D北海道紅豆同黑豆 You know, 京都味出曬黎~係好濃既抹呼茶味!!整體都滿意 Dark Chocolate最後上枱 黑色既黑朱古力蛋糕上面有白色既cream,仲有D 紅色既法國士多啤梨 賣相非常精緻,都係好IGable 一切開有少少(真係好少)流心,食落似心太軟 用左瑞士72%特濃Dark Chocolate,成個朱古力味好濃郁,食完係咁添~XDD 3個入面最中意係呢個 我叫左杯Costa Rica Canet Bach 係來自哥斯達黎加既咖啡 聞落有咖啡香,入口有D 苦,少許酸,好順滑 但係無咩after taste,咖啡未唔算好持久,無咩回甘 下次唔會叫咖啡喇~ 7X一個pancake都係少貴既,不過所有用料都係來自日本同外國 都算可以既,加上係好食既,都可以再call既 ★・・・・・・★・・・・・・★・・・・・・★ Follow Instagram: https://www.instagram.com/ringomeib/ https://instagram.com/edrick_wong Follow Facebook: 美豬媽與布甸仔の日常 https://www.facebook.com/ringoedrickdiary/ Follow Blog: http://ringomeib.blogspot.com/ https://www.mamibuy.com.hk/home/8102/ https://wow.esdlife.com/ringomeib https://blog.ulifestyle.com.hk/blogger/ringomeib/