得到友人的推薦，去左深水埗呢間新開無耐的「食意」來個晚餐。「食意」的名稱相信與食意大利菜有關，餐廳主打各款手製意粉和手製薄餅，吸引力大增！雖然餐廳外觀較為簡約平實，但當晚的食物都讓我倆很滿意，手扭粉和蛋糕更是再三回味的食物。 原文網址: http://connie-hk.com/ssp-eatalian 點擊圖片放大 +6 餐廳的座位不少，環境似Cafe的佈置，以淺木色為主調，簡潔舒適，但有不少位置都有精緻的裝飾，配上柔和的燈光，感覺溫暖，而且店員的態度誠懇親切，值得一讚！ 點擊圖片放大 +2 餐點包括前菜、湯、主食、手製意粉、手製薄餅和甜品等，如果餐牌上有埋菜式圖片會更加清晰。 烤薄餅皮配蕃茄莎莎 （免費餐前小食） 平時食開都係餐前麵包多，呢度係以薄餅皮當做薄餅般，將蕃茄莎莎放上去同食，莎莎食落清甜開胃，而且仲可以續添呢！ Earl Grey Tea $48 我倆叫了一壺熱伯爵茶一齊飲，每壺用上兩個川寧茶包，而且店員會頻頻幫忙加水，服務態度很好！ 意式千層茄子 $56 擺盤精緻的飯前小食-千層茄子，賣相精緻，一口一件剛剛好，作為飯前小食不會太飽。小妹初時食落還以為係千層麵與茄子的組合，因口感都偏似千層麵，但原來一整件都係用茄子一層層鋪上，再搭配肉醬、芝士和蕃茄醬，惹味好食。 黑松露野菌忌廉汁手扭麵 $168 知道佢地出名手製意粉，叫左款意大利北部產品「手扭麵」，每條麵都用人手搓扭；咬落帶有煙韌口感，比意粉的口感黎得豐富。 打扭麵加入左煙肉、扁豆和黑松露一齊煮，醬汁濃度適中，黑松露味很突出，食落負擔不重，手扭粉掛汁能力亦不錯，係近期食過最好食既黑松露意粉！價錢不便宜，但物有所值。 澳洲和牛護心肉配黑醋醬及巴馬臣芝士 $148 牛護心肉小妹係第一次食，原來仲可以揀熟成度，小妹要左五成熟。中心色澤唔算粉嫩，不過食落肉質不乾柴，滿爽口的，而且牛味明顯，配上酸酸咪咪的黑醋醬同食，平衡了飽滯感，愈食愈開胃！ 香蕉核桃拖肥忌廉批 $48 最近小妹愛上了香蕉與拖肥的配搭，見到餐牌上有呢款批，仲要係自家製當然要試下！蛋糕沒有特別的裝飾，就在碟邊用上朱古力粉灑上店名作點綴！ 驟眼望落已見到焦糖餅底上一片片的香蕉片，最上係合核忌廉，忌廉質感很幼滑，餅底保持到脆度，香蕉與焦糖的配搭好好食，滿咀香甜的焦糖味道，卻不覺得過甜，忍不住狂食，真係好想食多件！ 食意 | Eatalian 地址: 深水埗荔枝角道309號地下 (港鐵深水埗站 A2 出口, 步行約5分鐘) 電話: 26176866 營業時間: 星期一至日 12:00 - 15:00、18:00 - 21:30 ※本文以用餐當日的環境、服務和食物質素為準，口味亦因人而異，文章只作參考之用。
