同他來到中環這間Cafe食晚餐,全店白色的佈置優雅舒適,餐廳主打法式可麗餅Crepes,有鹹有甜,比較少食到這類法式班戟,有著一定期待感。 原文網址: http://connie-hk.com/springfields 點擊圖片放大 +3 約七點去到,人流較少,顯得餐廳特別恬靜。店員都係外藉人士,以英文溝通為主,好似小妹咁英文白痴的,指指餐牌落單便可,店員的服務態度親切有禮。 點擊圖片放大 +5 餐牌上有湯、小食、沙律、意粉,仲有主打11款鹹班戟、6款甜味班戟。 蛋糕櫃內也有代售各款Cupcakes,但小妹想要試的Flamingo cupcake今天沒有(可能賣晒) Strawberry Shortcake MilkShake $55 賣相頗美的奶昔,打得頗細滑,雖然莓味不重,但味道還可以,似食緊士多啤梨味既忌廉。 Chicken Wings $70 招牌雞翼,一客五隻,每隻都炸到金黃香脆,炸皮很薄而且不油膩。肉質嫩滑多汁。但其實雞翼本身應該無醃過,要靠附上既Tangy醬,味道好似燒烤醬咁,頓時覺得好惹味。 Creamy Carbonara $86 入面有唔少煙肉同蘑菇,望落醬汁唔算多,但都足夠掛上每條意粉,意粉的掛汁程度都唔錯,煮得煙韌有口感,醬汁滿重牛油味,邪惡又好食。 Saint Formage $105 揀左呢款鹹Crepes,煙煙韌韌既餅皮食落帶點點苦味(據聞因為粉漿落左小麥啤酒?)裡面包住煙肉、芝士同焦糖洋蔥等,全部材料都好似有一齊炒香過,所以食落相當惹味,食一半已相當有飽足感。 Straws Crepes $72 餅皮明顯無鹹Crepes咁深色,質感同樣煙煙韌韌,上面放左一大球士多啤梨雪糕、忌廉和數塊士多啤梨片,不過小妹覺得球雪糕唔夠香甜,吸引力減低,相比下都係較愛鹹Crepes。 Springfields FACEBOOK、IG 地址: G/F, 11 Lyndhrust Terrace, Central (港鐵香港站 C 出口, 步行約7分鐘) 電話: 23675055 營業時間: 星期一至日 12:00-22:00 ※本文以用餐當日的環境、服務和食物質素為準,口味亦因人而異,文章只作參考之用。