以前社交平台無咁流行既時候，會比較難知道一些新餐廳的資訊和招牌菜式，現在有了FB、IG等APPS後，無論隱世定新餐廳都可以好快咁收到資訊，方便多了! 就好似呢間開業不久的夏捌月，名字很特別，有文青的味道，英文名叫Summer August，相信是與「夏天」和「八月」有關吧! 原文網址: http://connie-hk.com/summer-august 看似平平無奇的餐廳，近來出了名的蟹肉蟹膏意粉，在IG中一傳十十傳八，十個有八個到餐廳都會點這個黎試試，評語中都話足料又好食，餐廳仲咁近小妹梗係要試下。餐廳位於朗屏橋底附近，門面不太起眼，透明玻璃上印了白色字的餐廳名稱，感覺很易走漏眼呢。 餐廳內的座位不多，而且較為迫狹，建議可預先訂位，免卻要排隊等候的情況。 晚市套餐有A1-A10十款選擇 (午市單項有9折)，從$98~$228不等，配白飯/意粉/薯菜、餐湯及熱飲，可加+$18將餐湯升級為酥皮湯。多以扒類為主，岩晒食肉獸的你。如果套餐覺得唔岩食，仲有另一本餐牌有小食、意粉和炒飯等，價錢都很大眾化。 (餐牌在文末) 凍咖啡、凍奶茶 （套餐+$2） 小妹揀左飲奶茶，飲落有茶的清香，茶味唔會比奶味蓋過，味道調較得幾好。樽仔奶茶的賣點就好似上環瑞記既樽仔奶茶，有特色之餘都係值得一試啊！ 跟餐蒜茸包 酥皮湯 （套餐+$18） 向來係酥皮湯粉絲，愈黎愈少地方有得飲，見到呢度有梗係要試下，套餐都係加$18，相當抵飲! 酥皮湯可揀白湯或紅湯 (羅宋湯)，小妹就覺得白湯比較夾。至愛食少少酥皮後，再將整個酥皮篤穿浸入湯中慢慢品嚐，不過略嫌這裡的酥皮湯焗得唔夠耐，唔夠金黃色，牛油香和美味程度稍為欠缺。 蟹肉蟹膏意粉 $98 黎得呢度梗係要叫近來大熱的蟹膏蟹肉意粉，整碟呈黃色的意粉，每條意粉都沾上滿滿的蟹膏，面頭仲有少少炸過的蟹鉗肉豐富口感。 意粉食落每啖都充滿濃郁又甘香的蟹膏，完全沒有腥味，意粉不會很乾，仲帶有粒粒蟹膏的口感，很滿足味蕾，同時亦相當邪惡!! 建議兩個人一齊分享呢碟意粉會較好，因為一個人食一半已很有飽足感啊。 德國咸豬手配蜜糖芥末汁 $158 另一款同樣大熱的德國咸豬手，豬手烤得外皮內軟，咀嚼中膠質好重，煙煙韌韌的，肉質咬落不乾柴頗嫩的，仲要無過鹹，真係好食呀! 配菜仲有幾塊炸得相當香脆既薯格同蔬菜，份量好足！ ※本文以用餐當日的環境、服務和食物質素為準，口味亦因人而異，文章只作參考之用。 夏捌月 Summer August | FACEBOOK 地址: 元朗媽橫路7號富來花園A座地下15號舖 (港鐵朗屏站 B2 出口, 步行約3分鐘) 電話: 6726 1786 營業時間: 星期一至日: 11:00-22:00 餐牌部份↓
