原文網址: http://connie-hk.com/iron-cow/ 近來多左台灣菜在香港開店,而呢間位於尖沙咀的鐵牛只係開業左幾個月,每到夜晚就好多人排晒隊,好彩小妹放工時間尚早,去到六點多都仲有位。 點擊圖片放大 +2 店內環境都幾大,以簡單木系為主,有大長檯(多人時需搭檯)亦有舒適的卡位。 點擊圖片放大 +7 (部份餐牌) 餐牌分為特色乾拌麵、台灣便當/湯麵、鮮蕃茄麵、台式麻辣湯麵、台灣小吃/小菜,當然少不了台式特飲,價錢公道,款式滿多。 以劃紙方式落單 珍珠奶茶及百香果QQ冰茶(珍珠+椰果) 跟餐各+$15 兩款都叫左少甜,珍珠奶茶沖得幾好飲,奶同茶香都平衡到,百香果清甜解渴。 私房牛肉麵 $69 (包括左秘製牛腩、香滑牛筋、大塊金錢展) 一碗有齊三款牛的不同部分,岩晒什麼都想試的客人。先嚐嚐湯底是甘甜的味道,帶有微微的藥膳香,味道入口溫和;牛腩和牛筋的肉質不韌,煮得軟腍很入味,牛筋食落有重重的骨膠原的口感;不過略嫌麵質帶點黏黏的質感,還是喜愛咬落爽口的麵條。 鹽酥雞便當 $52 這份便當有一小碗滷肉飯和鹽酥雞,還有滷蛋、小雜菜和辣菜甫這三小碟迷你的配菜,看上去很豐富啊! 炸雞外皮炸得香酥惹味,但肉質不夠滑是有點失色;滷肉飯應該係用上半肥瘦的三層肉切粒所製,但食落覺得缺少了那股惹味又邪惡的油香,味道可以但不算驚艷。 梅子脆薯 $32 脆薯端上時熱辣辣,外皮咬落帶微脆,配上梅子粉酸酸的味道,可平衡蕃薯的飽足感,係一道不錯的小食。 肉燥小茄子 $32 小茄子咬落腍身,配上的肉燥和蔥花很惹味,配白飯一流,份量頗多。 炸豆腐 $30 向來喜歡木魚絲炸豆腐,面頭佐以少許甜酸醬和青瓜絲平衡油膩感,外皮咬落好脆口,裡頭的豆腐又好嫩滑,但還是喜愛配上甜甜的醬油多於甜酸醬。 鐵牛台灣牛肉麵 地址: 尖沙咀加連威老道96號希爾頓大廈LG樓28號舖 (港鐵尖沙咀站 P1 出口, 步行約6分鐘) 電話:3622 1190 營業時間: 星期一至日: 11:30-21:30