尖沙咀最近開左間一人一鍋既火鍋專門店(咁就唔使爭湯底啦),餐廳要落地庫一層,隔離係源記餐廳,兩間應該係同一集團。 (結帳時like and share餐廳FB page出示返就會享有全單9折。) 原文網址: http://connie-hk.com/hotspot/ 點擊圖片放大 +4 六點多去到人流不多,整個木系的簡約裝潢環境,每檯上都放有三款醬料,包括豆辨醬、豉油同蒜蓉辣椒醬,蒜蓉辣椒醬好惹味,值得一試! 餐牌款式偏向走台灣風,連所配飲品都係台式珍珠奶茶、泡沫紅/綠茶等等! 火鍋款式都幾多,有十款湯底,包括大推的招牌竹笙椰子海南雞鍋、麻辣肥牛窩、冬蔭公海鮮窩、忌廉龍蝦湯等等,每款鍋內已配有不同的火鍋配料及一碗白飯。 可追加的火鍋配料及飲品 新張期內點任何鍋物可獲贈泡沫綠茶/紅茶,或加錢升級做其他飲品。 叫左水蜜桃紅茶及蜜糖奶茶,味道都幾好飲架,唔會太甜。 不過小妹最後都叫左個麻辣肥牛窩(小辣,可轉羊肉)$88,他的冬蔭公海鮮窩 $108。鍋內材料已有蜂巢豆腐、腐皮、蟹柳、貢丸、豬紅、花枝丸、肥牛、蜆、飛魚籽、公仔麵(半個)、金菇、唐菜,另包一配白飯。(不同鍋材料都會有點不同,可另散加錢叫其他火鍋料) 麻辣肥牛窩的樣子望落頗豐富的;食落真係有麻辣味又唔會好辣 (叫左少辣),不過鍋底好淺,湯底好快乾晒但加湯只係加返清湯,感覺麻麻。 冬蔭公海鮮窩 $108,湯底頗重椰汁味,海鮮材料有一隻蝦、斑片、蜆、墨魚仔等,其他食材都係大同小異,另外我們追加了些配料! 蜂巢豆腐 $15/3件 本身鍋內已有蜂巢豆腐,不過得一件真係唔夠食,因為吸盡湯汁的豆腐真係好好食,所以要追加多一份! 芝士龍蝦丸 $20/3粒 呢款龍蝦丸比平時食火鍋時見到的大粒,咬開有好澎湃的半溶芝士,芝迷必點! 飛魚子魚蛋腸 $20 裡頭有飛魚子,咬落卜卜聲,都幾好食。 美國肥牛 (首次追加) $22 一碟約有五片,肉質唔會太肥,還可以吧。 整體黎講,味道方面就不過不失吧,但食一次火鍋(約一個鐘),要換成三個蠟燭,其實都幾煩擾。某些火鍋款價位都超過$100一鍋,出面任飲任食都係百幾蚊位,整體性價比一般。 熱點 地址: 尖沙咀加連威老道18號地下B舖 (港鐵尖沙咀站 B2 出口, 步行約3分鐘) 電話: 3702 0019 營業時間: 星期日至四: 18:00-23:30 星期五、六及公眾假期: 18:00-00:00