小妹與他都可以話係超過芝士迷,除左鹹芝士,芝士甜品都無可幸免,總之一見到有芝士兩字既食物,我地都一定會走試下。 原網址: http://concon2016.blogspot.hk/2015/10/segafredo-zanetti-espresso-cheesecake.html#more 就在上星期六約左幾個朋友去左旺角雅蘭中心內的Segafredo Zanetti Expresso食早餐,為既就係由The Cheesecake Factory出品既芝士蛋糕,仲有幾款唔同味道,咁就齊齊開心share可以試多幾款。再每人叫多杯咖啡,係呢個周末感覺特別寫意。 . 點擊圖片放大 +3 Cafe既顏色主要以紅色為主,加埋白底黑字既招牌比人一種型格既感覺。而且一早黎到,人流唔多,寧靜的環境就讓人感到很放鬆。座位附近更有讓客人叉電的位置,十分貼心。 . 飲品方面除左有一般既咖啡外,也有沙冰、熱茶、鮮奶紅/綠茶、果味梳打和新推出有酒精成份的Rita可選擇。 . 熱飲/凍飲都有分三個不同既分量,價錢都係$3x~$4x,不貴。而且要叫熱既細咖啡先有拉花啊,如果好似小妹想睇拉花,但又叫左中杯就變左用紙杯裝就有點可惜呢。 . 點擊圖片放大 +2 食物方面除左蛋糕外,也有三文治、各式蛋批和鬆餅等,不過今次我地主打食芝士蛋糕就無試到嚕。 . 鮮奶抹茶 16oz $38 顏色綠悠悠的鮮奶抹茶,也是小妹喜歡點它的原因之一。抹茶入口細滑,易入口,帶有抹茶的甘澀味。不過略嫌奶味較重,如抹茶的味道可再濃郁點會更好,不過整體黎講小妹還是滿喜歡的。 . 雲呢拿咖啡果凍沙冰 $45 他的果凍沙冰,小妹淺嚐了一口,咖啡味好濃且有點苦啊,而且還食到以咖啡所製的果凍,味道不錯,他都頗喜歡的。 . 呢度既芝士蛋糕係由美國品牌The Cheesecake Factory打造既The Dream Factory品牌用傳统方法所製。小妹一向喜愛芝士蛋糕,所以對此十分期待呢! . 點擊圖片放大 +2 這裡提供的芝士蛋糕口味包括原味、士多啤梨、牛奶拖肥、紅絲絨、焦糖蘋果和朱古力慕絲,各款味道均一$58,加多$12有多杯咖啡,姐係$70/set,感覺上叫餐較抵食。同朋友一齊叫左幾款黎食,小妹就分享兩款較喜歡的味道吧。 . 原味芝士蛋糕 $58 食芝士蛋糕小妹必定先選原味,感覺原味先可以真正食得出芝士的最原始味道。 . 蛋糕質感唔會雪到好實,舀落去時仲帶點軟身。入口帶有冰感,蛋糕的質感頗滑,芝士味濃郁,有點食緊雪糕既感覺,一舀落去配埋濃郁麥味既麥薄脆餅底,小妹真係覺得好食啊到打文呢一刻都想食返件,就係單件買價錢稍貴了點。 . 士多啤梨芝士蛋糕 $58 質感都同原味大同小異,蛋糕兩旁都多左忌廉同草莓醬作點綴,而且蛋糕尾部也放了忌廉呢,好似有點過多。 . 一食落去小妹已經話好有食緊士多啤梨味雪糕既感覺,味道自然不過甜,但又唔會蓋過左芝士味,不錯。 . 朱古力慕絲芝士蛋糕 $58 小妹亦都小試左一啖,朱古力味濃郁,質感幼滑,但就比較似食緊朱古力蛋糕,還是原味較岩我呢。 . . . Segafredo Zanetti Espresso 地址: 旺角彌敦道625及639號雅蘭中心1樓120號舖 (港鐵旺角站 E1 出口, 港鐵旺角東站 B 出口) 電話: 3583 0776 營業時間: 星期一至四: 08:30-22:30 星期五至六: 08:30-23:00 星期日及公眾假期: 09:30-22:30 ================================ (喜歡的,請按讚支持,是給我很大的鼓勵啊 ) Connie's Food and Life Corner