小妹一向很怕咖啡的苦味,所以去cafe多數會叫拿鐵,牛奶的比例佔大多數,但又會有陣陣咖啡香,較容易入口呢。剛好同事告知屯門市廣場既銅貓咖啡味道唔錯,銅貓更係Pokka Cafe既另一條支線呢,所以呢日食完元氣後,隔離就係銅貓,點可以不試呢! 點擊圖片放大 +2 時間接近九點,店內只有一檯客人,這樣我們便可以坐得鬆動少少。客人需自行到收銀處落單,其後店員會把食物送上來。 . 點擊圖片放大 +4 咖啡店內有多款咖啡供應,特別味道的凍咖啡款式亦有,另也有意粉提供。 . 蛋糕櫃內尚餘滿多款蛋糕選擇,與咖啡可以配成套餐,感覺滿化算的。 . 熱胚芽綠茶 (單點$33,套餐$53) 一向喜歡飲綠茶拿鐵,問過店員有一款類似既就係呢杯胚芽綠茶,諗住味道都唔差就叫黎試試。綠茶用上白底花圖案既杯子盛著,感覺好有自己係屋企沖製既感覺。面頭放上一堆胚芽粉,讓我聯想起胚芽好立克,但裡頭就係變左淡綠色既牛奶綠茶。 . 先飲一啖,綠茶味道真係淡得可憐,可以叫做無綠茶味,飲落去就似飲緊熱牛奶,但係味道淡既牛奶。如果呢杯叫做牛奶都算喇 (雖然味淡),但係叫佢做綠茶既飲品真係好鬼難飲,超失望。 . 咸焦糖拖肥日式芝士卷 (單點$32,套餐$53) 這卷蛋的芝士味是滿濃郁,海綿蛋糕頗軟屬,加上面頭一層啡色的咸焦糖,味道提升了,不錯。 . 雲呢拿馬卡龍 $9 咬落尚算鬆化,不過雲呢拿味同樣較淡,小妹只食得出一陣甜味。 . . 銅貓咖啡 地址: 屯門屯隆街3號屯門市廣場1期1樓售物亭C號舖 (港鐵屯門站 B 出口) 電話: 2887 0289 營業時間: 星期一至日:10:30-22:30 ================================ (喜歡的,請按讚支持,是給我很大的鼓勵啊 ) Connie's Food and Life Corner