放工後，約左豬一樣的朋友去左尖沙咀既金域假日酒店內的Bistro on the Mile食自助餐，由於都一段時間無食過自助餐 (放題就成日食啦~)，所以滿期待呢! 今期自助餐主題為「滋味海鮮自助餐七重奏」，意思係指一星期七日都帶來不同主題既海鮮自助餐，包括: 澳洲生蠔、挪威三文魚、英國蟹、加拿大帶子、美國蝦、越南大虎蝦和南非飽魚。 http://concon2016.blogspot.hk/2015/05/bistro-on-mile.html#more 點擊圖片放大 到時會有多款以當日主題海鮮所炮製的美食，今日我們的主題便是挪威三文魚 (星期二)。 . 點擊圖片放大 +2 餐廳的環境頗闊落，不會迫狹，也劃分了多個不同的食物區域。 . 點擊圖片放大 +2 以三文魚為主題的區域，像有三文魚他他、三文魚多士、保雲酥焗三文魚配香檳忌廉汁、三文魚配蘋果酸忌廉等。 . 點擊圖片放大 冷盤區 有不少賣相精緻的冷盤 . 點擊圖片放大 海鮮區 凍海鮮，有蟹腳、青口，龍蝦仔 . 即開生蠔 (每人每次限取三隻) 友人說這裡的生蠔味道相相唔錯，而且海水味濃，所以食了不少呢。 . 刺身壽司區 . 熱葷區 食物種類都唔少，包括有好多人拎既德國豬手，確係做得皮脆肉嫩； . 燒西冷和燒雞 小妹試左前者，西冷牛呈粉嫩色，而且牛味很濃呢。 . 印度薄餅和胡椒餅 印度薄餅本身已帶有些蒜蓉味，沾些咖哩汁，簡簡單單已很不錯。 . 炸天婦羅 . 蒜蓉粉絲蒸扇貝 小妹食左6,7隻呢，扇貝上放了一撮粉絲，再加上些豉油、蒜蓉和蔥花，扇貝入口不韌，入口超惹味，而且好多人拎，幸好廚房好快又有新一碟出爐。 . 花膠圓肉燉老雞湯 每忠超足料呢，入面有大大塊既花膠、雞肉同菇，女人真係必飲呀，滋潤清甜。 . 點擊圖片放大 +3 甜品 呢度既甜品款式都唔少，仲有放係玻璃櫃內一碟碟賣相精繳既甜品，但就無標明係什麼味道既甜品，建議加返會較好。 . 另外仲有不少精緻既甜品杯，每件都小小一口，所以拎左一碟同友人分享呢! . 檸檬卷及紅桑子芝士蛋糕 兩款都酸酸甜甜的很醒胃! 而且檸檬卷的檸檬味很濃郁呢! . 芒果海綿蛋糕 海綿蛋糕很軟屬，加埋芒果肉，無得輸。 . 芒果金寶 蘋果金寶就食得多，芒果口味就第一次食，入口微熱的，帶有香口的肉桂味，還有芒果的酸甜，好味! . 酒店都提供Haagen dazs雪糕迷你杯，不過係最基本的口味。 . 食到咁飽，梗係飲返杯茶消消滯。 . . 自助晚餐 星期日至四: 成人$518, 長者$414, 小童$362 星期五至六: 成人$588, 長者$470, 小童$411 *於父親節當晚惠顧，父親們均可以無限添飲餐酒或啤酒。 Bistro on the Mile 地址: 尖沙咀彌敦道50號金域假日酒店1樓 電話: 2315 1118 營業時間: 星期一至日: 06:00-01:00 ================================ (喜歡的，請按讚支持，是給我很大的鼓勵啊 ) Connie's Food and Life Corner
