當紅的深夜食堂，來自日本電視及漫畫，每話都介紹不同又特別的食物，小妹其實無點睇過套漫畫，但就印象深刻當中的貓飯，貓飯其實係將味增湯，菜餚剩湯，或只用醬油拌柴魚片，放在白飯上便成。快速又便宜，係一道簡單既料理，唔知味道如何呢? (不過由於胃容量有限，最終都無食到貓飯) 原文: http://concon2016.blogspot.hk/2015/05/blog-post_6.html#more 剛好得知銅鑼灣也有一間名叫深宵食堂的串燒店，裡頭竟然都有貓飯食，還有些食物都係跟住漫畫裡頭去製作，感覺滿特別的。 . 餐廳位於百樂中心的六樓，門面已覺得很有日本風的感覺，而客人到步後需按門鐘，店方開門才能進入。 . 點擊圖片放大 +2 餐廳座位唔多，唔會好迫狹，簡約的裝潢還滿舒適的，更設有LCD電視呢。店員都著上日本風的製服，綁上頭巾，感覺很有活力呢。而且呢度開到成凌晨兩點，夜鬼唔怕無地方食野呢! . 點擊圖片放大 坐下後看看餐牌，食物款式唔少，但說真的某些食物的價錢稍高了點。 . 煙肉荔枝卷 燒香過的煙肉卷著荔枝肉，食落清甜爽口，平衡了煙肉的油膩感。 . 吉列廣島蠔 (4隻) 外層炸粉很薄和香脆，又不會很油，裡頭仍嚐到蠔的味道，不會炸至沒有蠔味，不錯。 . 芝麻雞翼 (3隻) 雞翼外皮炸至金黃色超脆身，咬落脆卜卜，雞肉多汁嫩滑，小妹覺得好好味。 . 汁燒白鱔 白鱔燒至外帶微脆，魚肉幼嫩多汁，啖啖肉，掃上燒汁後食落更加惹味! 讚! . 黑豚露筍卷 每件都包住兩條露筍，咬落爽口又清甜，外層包住的黑豚肉肉質幼嫩，愈嚼愈嚐到那股脂肪香，整個卷都唔覺油膩，惹味又美味。 . 一口牛 (2串) 很特別的用鋁籤串著的牛肉粒，直立式插在一件厚切的薯仔上，這樣的出場方式頗特別的。 . 牛肉粒食落牛味一般，質感都略為腍了點，小妹都係鍾意爽口有嚼勁的。 . 雞泡魚乾 魚乾燒得唔乾頗香口，咬落煙煙韌韌，食落都幾惹味，點埋沙律醬令人食唔停口。 . 芝士年糕 年糕燒至外脆內軟，內裡係滿滿既流心芝士，芝味濃郁，記住襯熱食，芝迷必食啊。 . 汁燒帆立貝 一串三件帆立貝感覺頗抵食，燒至外邊微脆，食落仍然juicy，唔錯。 . 蜜燒八爪魚 (紅腸) 芝士蝦球 (6粒) 店子沿用了深夜食堂的做法，用上脆皮腸再把它切幾刀後再掃上些蜜糖汁就變成可愛的八爪魚啦，味道梗係無得輸。芝士蝦球，咬落彈牙，就是味道較普通。 . 芝士蟹肉玉子燒 一大件的玉子燒，上面用蕃茄汁寫上深宵兩字，很有招牌菜的感覺。雞蛋食落很嫩滑，仍帶有蛋汁，內裡夾住濃稠的半溶芝士，很美味又邪惡，感覺如沒有吱上蕃茄汁會更美味。(小妹一路食一路撇開了蕃茄汁) . 7吋蒜蓉大虎蝦 大虎蝦上桌時已開邊，很方便食用，經燒香後再在蝦肉上放了些蒜蓉粒，食落有陣陣惹味的蒜香味，蝦肉食落也不會很柴，仍帶著爽口有嚼勁的肉質，就是價錢稍貴。 . . . 深宵食堂 地址: 銅鑼灣耀華街百樂中心6樓 (港鐵銅鑼灣站 A 出口, 步行約5分鐘) 電話: 2799 3678 營業時間: 星期一至四: 12:00-16:00; 18:00-02:00 星期五至六: 12:00-16:00; 18:00-04:00 星期日: 12:00-16:00; 18:00-02:00 ================================ (喜歡的，請按讚支持，是給我很大的鼓勵啊 ) Connie's Food and Life Corner
