是日晚上約左朋友們去到銅鑼灣既隆堡柏寧頓酒店內既Casa Pennington來個晚餐。 原文網址: http://concon2016.blogspot.hk/2015/04/casa-pennington.html 點擊圖片放大 +2 餐廳裡昏暗的環境感覺頗浪漫，很適合情侶們黎個浪漫晚餐呢。 . 點擊圖片放大 +3 餐廳特別之處係外面有各款唔同既是日海鮮供應，只是生蠔都有幾款選擇，仲有其他海鮮類，包括龍蝦、蟹、蟶子及波士頓龍蝦等，仲唔少得有48個月既西班牙火腿，真係睇見都想食。 . . 坐下後，先由海鮮開始食，再來才是西餐及甜品。 . 點擊圖片放大 生蠔：圖片中分別有三隻生蠔，包括西班牙的Arousa，法國的Mermaid及Lambert。由於小妹不太好蠔，所以只淺嘗了一隻Arousa。這款蠔的味道很易入口，食落質感頗爽，味道清甜。 . 再來size頗大隻的日本牡丹蝦，肉質爽彈鮮甜; 法國Crabe Tourteau，蟹膏食落滋味甘香，会人回味無窮。 . Sauteed Clams with Basil White Wine Sauce 用上白酒煮的大蜆，也加上很多蒜片同煮，每隻都很清甜沒有沙，質感頗彈，很惹味，要一個人食晒全碟唔係問題。 . Sea Urchin Salad with Salsa 用上青瓜片做底，上面放了份量頗多呈現金黃色的海膽，食落充滿著海膽的甘甜味，配上底下既青瓜片，增添左一份清新味道，兩者平衡得宜。 . Deep Fried Crab Cake 炸至金黃色既蟹餅，切開後能看到內裡填滿了絲絲蟹肉，食落香脆之餘，又食到啖啖蟹肉，滋味非常。 . Hokkaido Scallop Angel Hair with Homemade Pesto 先把北海道帶子輕輕煎過，配上用青醬煮的天使麵，味道清新，清清的味道不錯。 . Black Truffle Mushroom Soup 蘑菇湯的質感唔算打得幼滑，松露味道都唔夠明顯，感覺亦未夠香，味道仍有改善空間。 . Tiramisu 賣相裝飾得頗美，味道方面都唔錯，忌廉芝士頗幼滑，如咖啡酒的味道可再濃一點便更好。 . Pear Tarts Tatin 據說呢個批係店內出名既甜品，熱辣辣焗出黎既酥皮梨撻，香氣四溢。一個大約可切成四份，每小份上都鋪上了梨肉，入口有很香很重的牛油香，酥皮也很酥化，當中的梨肉甜酸度適中，惹味非常，就略嫌當中的焦糖令到這撻食落有點黏牙。 . . Casa Pennington 地址: 銅鑼灣邊寧頓街13-15號隆堡柏寧頓酒店三樓 (港鐵銅鑼灣站 F1 出口, 步行約3分鐘) 電話: 2806 3311 營業時間: 星期一至日: 07:00-15:00; 18:00-00:00 ================================ (喜歡的，請按讚支持，是給我很大的鼓勵啊 ) Connie's Food and Life Corner
