腸胃炎既晚上，由於前晚已在屋企休息左全日，所以忍唔住決定要出下街! 幸好有S先生陪著，他讓小妹食白粥或清淡一點既食物，不過小妹生平至憎食粥，所以還是以毒攻毒去食和民! 食量當然會就住，不過荃灣呢間和民真係好鬼難食，今次忍唔住要出負評了! 原文: http://concon2016.blogspot.hk/2015/03/blog-post_13.html 晚上客人唔多，落左單後都等左成4~5個字食物先開始上桌。 Lychee Grapefruit Soda $26 飲落去幾清甜，仲見到杯中大大粒荔枝肉。 . Fruit Tea (Green Tea) $28 呢個水果綠茶(仲有隻紅茶)，睇圖賣相好似唔錯喎，仲只係廿幾蚊，身為果茶粉絲無理由唔黎試下姐。 . 黎到個賣相同張圖都似，入面見到有唔少果肉。不過飲落完全無水果既鮮甜味，只有好淡薄既綠茶味，兩個字黎形容「難飲」，仲衰過我去買枝道地綠茶，起碼人地陣綠茶味都濃過佢。 . 陶板明太子芝士玉子燒 $43 滿喜歡食和民既玉子燒，玉子切開仍有掛著蛋汁，食落蛋香濃郁，滿滿的蛋香，再配上明太子醬汁，好惹味呢。 . 炒麵燒餅 (豚肉) $58 大阪名物，不過食落麵粉團佔既比例較多，材料就無咩，勝在夠香口，味道一般。 . 東京滑蛋豬扒飯 $58 賣相不太吸引，滑蛋幾乎都是全熟的雞蛋，豬扒的炸粉也很厚，一夾起完全是皮肉分離，肉質有點乾，食左兩啖就放棄。 . . . 居食屋「和民」 地址: 荃灣大壩街4-30號荃灣廣場B1樓B120-122號舖 (港鐵荃灣西站 A1/ A2/ E2 出口0 電話: 2417 0666 營業時間: 星期一至五：12:00-23:00 星期六至日：11:30-23:00 ================================ (喜歡的，請按讚支持，是給我很大的鼓勵啊 ) Connie's Food and Life Corner
