返工捱左五日咁辛苦 Happy Friday 緊係想盡情食啦✌🏻 所以就book左一鍋堂打邊爐 🍲 鐘意佢價錢ok 食材選擇多又新鮮 湯底有18款咁多 所以食過咁多次都唔會厭😋今次揀左麻辣鴨血湯 開頭食覺得唔係好辣 但係慢慢滾起之後佢嘅辣係有後勁 加埋好多香料整體都唔錯 鴨血亦都好彈牙 吸晒d湯味🌶️ 食材主要分為牛肉 豬 羊 雞 海鮮 手工餃丸 素食其他打邊爐都會食嘅例如牛柏葉 蟹柳等等 🐄🐖🐑🦐🐟同 用qr code 掃一掃就可以喺圖文並茂既menu 揀 送出之後店員好快就會上菜 要把握時間喺水滾前做嘅 仲有去熟食區攞飲品 同埋拎蔬菜啦🧃 熟食區有豬皮羅白魚蛋 炸饅頭等等 飲品除左左紙包 罐裝之外 我就鐘意飲佢地嘅花果茶 特別推介養生玫瑰花黑枸杞茶 食完辣嘢飲佢就特別舒服 蔬菜全部整齊排列放咗喺雪櫃可以任君選擇 有非常多款式 連羽衣甘藍都有🥬🥦🥒 剩係牛肉都有12款咁多 我地就揀咗C餐 (💰正價時段$308一位) 全部種類都可以叫 所以我哋就專攻日本黑毛和牛 同埋封門柳🐄🥩前者雪花均勻 入口即溶 後者牛肉味重 肉質稔滑 其餘仲有澳洲和牛 手切牛脊肉 美國安格斯牛肉呢d 脂肪相對少d 想食健康d 都可以選擇 除左牛肉片 牛嘅目錄仲有牛舌牛肉滑 其中必食仲有醬爆瀨尿牛丸 入面好似係夾左芝士咁 超好食🤤 豬羊雞我會推介西班牙黑毛豬 紐西蘭羊捲肉 花鵰浸鮮雞件🐓肉嘅quality 無論豬牛雞羊都係靚料 每樣都值得試吓 但係仲要留肚食海鮮 海蝦都幾大隻 肉質爽彈 證明夠新鮮 仲有個是日推介海鮮 今日係沙巴蜆 隻隻漲卜卜 煮之前仲識郁架 甚至連一d 唔常見嘅魚雲 脆骨腩都有 一心黎食牛 估唔到海鮮嘅種類都比我想像中多 每樣試少少 兩個鐘都食到有d 趕 🦐🐟 甜品佢地有杯裝雪糕 味道都各具特色 杯上面寫係每日本地新鮮製造嘅galeto 我地揀左荔枝同柚子味 感覺似乳酪雪糕 酸酸甜甜 仲有可以試一吓自己揤嘅軟雪糕 係楊枝甘露味架 一定要試 🍦👍🏻 🍽️ 一鍋堂 (瓊華中心) (旺角)📍 旺角彌敦道628號瓊華中心6樓 (港鐵旺角站E2出口 步行約2分鐘)
