最近老公生日 我地就去咗book mark左好耐 位於銅鑼灣皇冠假日酒店入面既意大利餐廳Giacomo Ristorante 慶祝🇮🇹 餐廳係由米芝蓮餐廳既大廚主理 裝修雅致 係歐陸風格 以淺灰藍白為主 樓底好高 俾人感覺高貴典雅💙🤍 我地分別叫左1個3 Courses Lunch ($590) 同1個4 Courses Lunch ($780)✨🔅Bread Basket首先食前菜之前 waiter 會遞上麵包條同小pizza 一條條既麵包條 方便進食 唔會整到周圍都係 食落好香脆 另外值得一提 小pizza真係好好食 麵包超軟熟 料又多 充滿意式風情 十個讚 🥖 Appetizer 🔅White Asparagus法國時令白露荀配西班牙火腿 露荀特別爽脆多汁 配上一片片伊比利亞黑毛豬火腿肉味濃郁 配搭獨特 再加埋旁邊唧得好精緻既egg emulsion 特別開胃 🐖 🔅Abalone with Oscietra Caviar and Champagne Foam鮑魚切成幾塊細小片 口感爽口彈牙 配上魚子醬 濃濃魚籽味但又唔會腥 旁邊配上紅菜頭+香檳製作的泡沫 味道清新 作為前菜一流 😋 Pasta 🔅Homemade Fettuccine呢個意粉係配上西班牙黑毛豬火腿 見到火腿色澤酒紅色 而且好芳香 有油香味 不過如果意粉份量多番小小就好 因為感覺火腿比意粉更多 食到尾有d咸 🍝 Main 🔅Glacier 5I Toothfish 魚既肉質非常滑嫩 鮮味十足 個sauce超鮮甜 魚上面再加tomato powder 咁多道菜我最鍾意 🐟 🔅Wagyu Beef Tenderloin 牛嘅味道比較濃郁 肉質亦好juicy! 而肉汁既調味濃郁 所有野都好夾 大力推薦🥩 Dessert 🔅Apple Tatin焦糖反烤蘋果入面全部都係蘋果蓉 甜度剛剛好 配上薄脆餅乾同焦糖漿 感覺非常fresh 而我特別鍾意個Brown Butter Ice Cream 質感軟滑 令我念念不忘🥧 🔅餐廳送的tiramisu蛋糕(d字寫得好靚) 🔅Petit Four朱古力擺盤好精緻 細細粒 賣相好似macaroons 係全人手自家製朱古力中間係咖啡味 再帶有少少橙味 充滿口感🍫總括黎講餐廳服務唔錯 環境舒適 岩哂兩口子浪漫慶祝🍴🫶🏻🍽 Giacomo Ristorante📍銅鑼灣禮頓道8號香港銅鑼灣皇冠假日酒店地舖☎️: 64254918
