平時自助餐都會有唔同主題 又或者專攻海鮮定甜品 而今次介紹既Mr. Steak Buffet 就絕對滿足到你 CP值超高 💰‼️ 餐廳主要分左唔同嘅區域 每一個區域都好豐富好吸引✨ 🟡海鮮區一座座用海鮮砌成嘅小山丘即刻搶晒所有人視線 龍蝦山 蟹鉗山 長腳蟹山 仲有螺同蝦 所以一開始都要排隊 但係唔洗擔心會食唔到 職員都會不斷refill 🦐🦀🦞龍蝦肉爽口彈牙 已開邊真係啖啖肉 蝦頭仲帶有少少膏 不過比起龍蝦 我覺得蟹鉗更加有驚喜 全部蟹鉗都已拆晒殼 超細心 又甜又多汁弟弟充電仔👍🏻長腳蟹或者叫皇帝蟹腳 平時喺超市買一pack唔夠十隻都二三百蚊 可以任食真係好幸福 另外有提供較剪同手套 咁就唔怕整污糟手啦 🤚🏻 喺海鮮山嘅另一邊 係即開嘅法國生蠔 雖然唔算大隻 但係蠔味都好重又creamy 🦪 點擊圖片放大 +2 🟡日式剌身區刺身就有六款 赤蝦 虎蝦 帶子 北寄貝 八爪魚 希靈魚 全部都好新鮮🐙 我自己就最鍾意食帶子 鮮味停留咗喺口腔好長時間 虎蝦刺身平時都比較少有 佢嘅味道就夠啖 但係就好爽口 除咗刺身之外 仲有好多款不同種類嘅壽司 賣相都好精緻🍣 🟡熟食區首先就係湯類 中湯係茶樹菇老火湯 西湯就係酥皮忌廉湯 兩個湯都好出色 中湯好出味 酥皮湯好搶手 手慢就要等下一次出爐🍲熟食就好多款都好出色 我私心推介蒜蓉粉絲蒸扇貝同埋上湯瑤柱娃娃菜 但係實在有太多款 食到好飽所以都試唔晒 唯有下次再嚟過啦🥦🍜🍢 🟡和牛區和牛分別有佐賀牛鐵板燒 美國SRF極黑和牛壽喜燒 火炙和牛壽司 款款都係由廚師即場烹調 控制火候適中果然係A級嘅和牛 油脂分布平均 入口即溶 牛味又重 岩哂各位牛魔王🐮🔥 🟡甜品區甜品嘅款式非常多 而且好精緻 由西式嘅蛋糕至到中式嘅豆腐花都有🍭🧁除此之外 有8款口味嘅Häagen-Dazs 雪糕同盒裝雪條 全部都係唔常見嘅口味 例如西瓜味等等🍦另外呢度最出名嘅就係心太軟 將你想表達嘅說話寫低俾師傅 佢就會幫你設計用朱古力畫碟 打卡一流 📸 飲品有果汁 檸檬茶 甚至仲有紅酒白酒任🍷 🍽 Mr. Steak Buffet à la minute兩個時段⏰⭕️5:00pm-7:00pm💰$498⭕️7:30 pm - 10:00pm💰$698💸優惠逢星期日至四晚市時段 四人同行 壽星者免費📍銅鑼灣告士打道280號世貿中心6樓(港鐵銅鑼灣站 D4 出口, 步行約4分鐘)
