今日同朋友黎左位於會展既中菜廳 餐廳係米芝蓮推介食肆⭐️ 仲拎過唔少獎🥇 一定要試下！ 餐廳門口係一貫既中菜廳格局 餐廳內係落地玻璃 樓底好高 望住維港景色進餐 環境優雅🦋 餐廳出菜模式係類似私房菜 逐碟逐碟上比客人 侍應會逐一同我地講解每道菜既特色 我地就叫左個$688一位既套餐🥢🥂 💛前菜 (黑蒜青瓜、蔥油海蜇花、醬香酒醉鵝肝) 菜式真係整得好精緻好用心 蔥油海蜇花好有咬口 蔥油爆香調味岩岩好 黑蒜青瓜口感爽脆蒜味濃🥒而鵝肝係選用潮州鵝所以較為爽口 🦢一上枱已聞到濃濃的酒香味 依三樣作為前菜岩岩好 好開胃😋 💛海藻白玉清湯餐廳好細心 湯碗下配埋蠟燭熱住🔥唔怕會變凍 白玉係日本元貝拆茸成綉球 口感軟淋淋 好特別 而湯係用豬骨煲8個鐘去油起湯 飲落超級清甜🍲 💛薑蔥千層竹焗鮮拆波士頓龍蝦波士頓龍蝦肉質鮮甜多汁🦞再配上薑蔥炒 龍蝦獨有的鮮甜味道再昇華 超惹味💥 💛香蔥雞油蒸馬友柳餐廳用自家方法起肉去骨醃制風乾馬友蒸好再配乾蔥青蔥雞油 魚肉厚身 有口感 灑上雞油配搭恰到好處 🐟 💛意大利黑醋松板肉松板肉一啲都唔韌 十分軟淋 肥瘦均勻 再加上特調既黑醋 甜腻適中🐖 💛芒蝦煎鮮淮山芒蝦炸得香脆惹味 鮮淮山煎得外脆內爽 第一次食咁既配搭 無諗過可以咁夾 🥭🦐 💛濃雞湯花膠手功拉麵雞湯味濃🐥 花膠煙韌 拉麵 彈牙爽口 回味無窮 🍜 💛桂花雪燕燉3.6牛乳奶凍伴芝麻卷 雪燕舖滿面 奶凍滑溜溜 甜度岩岩好 而芝麻卷皮薄幼滑 但芝麻味香濃 用料十足 甜品整得非常出色🍼 🍽金紫荊生記粤菜廳📍餐廳地址：灣仔博覽道1號香港會議展覽中心博覽商場(港鐵會展站B2出口, 步行約9分鐘)📞電話：25827729 /56973088(whatsapp)🕰️營業時間：星期一至日11:30-15:30/18:00-23:00
