Gaddi's坐落喺半島酒店嘅舊舞廳 屬《米芝蓮》星級食府⭐️主打法式精緻法國菜🍽️ 餐廳嘅裝修同氣氛都好有老派嘅歐洲風格 係fine dining界中既天花板🥇所以今年生日我決定一試 老公大約提早左兩個月前預約 午餐菜單價錢為三道菜HK$728. 四道菜HK$828🍷✨comté gougères迷你波波帶有芝士香味 一啖一個 簡直係停唔到口 🧀 ✨bread basket熱法國硬包外皮酥脆 中心柔軟 口感非常好 牛油有兩款可以選擇 一款係鹽味而另外一款係有少少辣味 我就特別鍾意辣個種 因為出面真係食唔到 而且可以刺激到味蕾 🍞 ✨amuse-bouche開胃菜係小巧精緻既鵝肝泡沫小杯子 味道清新 食完都好回味🦆 ✨前菜 法國農場雞蛋，田螺，香草泡沫賣相精緻 田螺甘香軟滑 配上特調香草泡沫 完美既配搭 🥚 ✨主菜 西班牙黑毛豬配柑橘豬肉汁擺盆漂亮 主角黑毛豬亦冇失水準 豬肉軟淋入味 肉質鮮嫩 口感豐富 再配以柑橘做成豬肉汁 好清新既味道 亦可以平衡到黑毛豬既油膩感 🐖 ✨甜品 66%加勒比朱古力慕絲加勒比朱古力慕絲既口感非常幼滑豐富 好濃既咖啡同朱古力味 所以唔會太甜 打卡度100分 🍫 ✨Petit Four甜品中的最後甜點 包括有小蛋糕仔 馬卡龍&香檳朱古力 🧁 整體黎講我地都很滿意 食物新鮮美味 環境舒適 服務員亦好有禮貌介紹每道菜 餐廳仲送左一張即影即有相比我地 好細心👍🏻點擊圖片放大 🍽 Gaddi's📍餐廳地址：尖沙咀梳士巴利道22號香港半島酒店1樓
