四月二十五日 星期三。也是 IMG talk School Tour 2012 正式開始。 咩係IMG talk? 結合Interview, Makeup & Grooming 的講座。 為中四至中六中學生而舉辦，講解見工面試時形象，介紹護膚，化妝，髮型，服裝的四大範疇，令學生於見工面試時更有自信，提高成功機會。 當日到了「香港浸會大學附屬學校王錦輝中學」，學校好大，好先進。登記時獲發的不是「訪客証」，而是「導師証」！非常尊重我們身份：） 我們沒有在禮堂舉行，到了可容納 二百人的演講廳。第一次見中學有演講廳，點解我唔係讀呢間中學=•=＂ 台上為二百位中四至中五同學講解，我邀請了中五的kens,同中四的Kelly 作為男女示範。靚仔的kens本身皮膚好好，只係比較乾。我問佢平時同咩洗面，佢答我用「水」 ！你啱。真係吹佢唔脹：） 不得不讚Kelly 頭髮髮質好靚好柔順，差啲想學小豬唔小心拎左佢個髮夾。 雖然面上有少少紅印，用左好薄既粉底已經遮左。無難道。 今日既反應完全係意料之外，好開心好多同學都笑足全場，甚至前排果啲係「挈大口得個窿」好留心咁聽，是的，你們熱烈的反應同專心的態度就是我的動力。 由於只有一個鐘時間，好多內容都唔可以好深入介紹，收到好多來自同學的留言都說想聽多啲關於衣著上的技巧。希望下次有機會同佢地介紹多啲。
