今日係日本春分假期，市面一樣咁多人。今天用觀光循環巴士日票，700円，兩條線班次夠密算方便，另有1000円2日券選擇。 上得山多終遇……雨。早上去新神戶站，行上布引の滝，已經天陰密雲，灑咗幾滴雨，嗱嗱聲落山，去食和牛。 下午再去日劇朝聖地Venus Bridge，登山難度仲高過今朝早，但如果揸車就可輕鬆到達。加上開始落雨，啲石頭跣到PK，一路上一路驚，怕落唔返山，最後感覺是值得。點擊圖片放大 +2 當然，亦去了BE KOBE招牌，但本人不是打咭愛好者。點擊圖片放大 不要問神戶塔，被圍封了；連同市役所24樓展望台至今仲未重開，有些失望。 神戶同大阪的櫻花基本上仲未開，絕大部分含苞待放，但今日遇上一棵開了一半左右。 臨天黑再去多次神戶港，行下商場，但零購物。點擊圖片放大 還有，日頭去過阪神大地震紀念園同花鐘。點擊圖片放大 預告：明天會再上山，但會坐纜車，並遊姫路城。つづく
