今朝瞓番夠本，少有地去旅行冇校鬧鐘，自然醒，好彩趕得切食酒店早餐。昨天講漏一件事，就係check in時間，我這酒店原來要在官網訂才是2pm，經其他online travel sites就要3點，打亂了些少行程。點擊圖片放大 +2 只係10點幾，周圍名店都排滿隊。 金龍拉麵就好似少人啲。我純粹hea行路過，並非去揾食，酒店早餐吃得飽飽的。 昨天提過JR 3月18日有新措施。而我今日主要目的，是買／換齊之後幾日的車票，分別要去3間不同公司，JR還好啲算易揾，近鐵就排咗好耐隊，最慘係阪急，在梅田揾／行咗成個鐘，但只得三兩個客。 大阪／梅田站真係好大，行到腳跛，勁多人，唔知係咪因為星期日的關係。點擊圖片放大 至於今日亦買了JR｢青春18きっぷ｣，用了第一日，只搭了大約600円，係「回本價」2410円的4分之1。但之後4月會用來搭大阪去名古屋同埋名古屋去松本，全部5日加埋一定會高過成本價12050円。 買齊車飛當然仲有大把時間，就去咗天王寺公園，好彩個OSAKA招牌健在，仲有埋季節限定的圖案。 當然順便上埋去ハルカス300的16樓無料展望台，要注意開放時間為朝9晚6，我事前在網上遍尋都找不到，甚至連官網也沒說明。點擊圖片放大 最後，在JR大阪站咁啱同一時間見到兩班Haruka Hello Kitty列車，當然係不同方向。 つづく
