經過總共20小時機程，星期六早上終於抵步，關西機場真係人山人海，出面車站大樓亦逼滿人，我在南海排隊換車票的時間，仲耐過由落機至出到接機大堂，但可能因為預先填好晒VJW資料同埋冇寄艙行李。 Yes, 本人是backpacker背包旅客，很自由，但不住hostel，非因中坑一名，而是不慣那種方式。 買了（預先訂了）這張南海2日券，2000円，個人覺得十分抵（甚至係非常超值），我今天1日就搭咗大約3千円，仲不需連續兩日用。（為免混淆，我習慣用「仲」代替正字「重」） 今天半日的行程主要是搭特色南海加太線去加太睇日落。列車真的充分顯示出日本人用心於鐵路營運。點擊圖片放大 回程已入黑，仲坐了班黑色。點擊圖片放大 之後搭普通列車見到做推廣，但唔知係咁啱定係長年都有。 講返睇日落，就有些失望，畢竟要天氣配合。 另外，本人並非食家，可以好求其，但不是窮遊，絕對唔會專登去名店排個幾兩個鐘隊食一餐，況且相信日本是但入間食店，都可以享受到美味及師傅的精心炮製。點擊圖片放大 順帶一提，由於大阪站JR咁啱今天開始有新措施實行，本人事前計劃時已考慮在內，決定選用南海，避免出現預計唔到的情況。點擊圖片放大 +3 還有，南海難波站對出的NAMBA字樣招牌，因廣場有工程而唔知放咗去邊，影唔到。つづく
