上星期第一次去日本長野滑雪，是小妹第一次在白馬滑雪！五天滑雪期，天公造美，2日有powder，其中一日更是上午powder下午藍天，簡直是prefect day，滑得非常爽！好快mark低十個小分享，希望大家滑雪開心，山上見！ 1. 八方是住宿不二之選 白馬有11個場，但住一定要去八方，生活機能最多，更是不同巴士來往的主要大站～ 2. 善用免費巴士 八方免費巴士由8am-5pm，我到白馬6:30am, check下資料飲杯咖啡，等到車就不用自己拖住個snowboard bag去酒店～ 3. 超好旅客中心 Information centre 冬天開放6-9pm，裡面有地方休息，有小賣店，不同雪場資料，所以就算坐夜車天光到達都不用擔心 4. 多款特價小冊子 去information centre記得問/拎雪場package優惠，我去梅池就有一張¥5100套票，包¥5000一天票+¥1000 lunch+¥100 discount温泉+租雪板9折卷 5. 單日票比全山票更好用 因為有套票，就顯得all valley pass更不划算，全山票價值在於5天票不用連續使用，或者你想5日去掃11座山。如果大家去滑雪已經plan好連續，一日一山，就可以去每間店單日買飛，計埋package仲平。 6. 找粉雪集中地 11個場以cortina和梅池在valley最入面，如果八方落小雪，那2間場就落中雪，玩powder機會大好多～ 7. 最♥Cortina雪場 去Cortina雪場，記得去埋他們酒店温泉，無買package的朋友我都建議俾錢去～甚麼都不用帶，因為他們有齊毛巾洗頭洗臉沖涼液，裡面有桑拿，4款室內温泉，室外温泉睇住雪場浸，仲有水柱幫「揼骨」，滑完去浸超一流！ 8. 必試當地自家釀啤酒 鍾意飲啤酒的朋友注意，iwatake有間新開brewing company，自家釀製hakuba牌子啤酒，夜晚仲有live music，late night推介 9. 睇雪猴一天團 連續滑五日都吾好話吾攰，有時間我都想睇snow monkey浸温泉，去玩又休息下，果邊有好多一日團，除了看雪猴外還有snow mobile等，去到再報都不遲～ 10. 自備腿部舒緩gel 連續滑雪幾天好消體力，小心為主，小鎮內沒有藥房，好似我自己會帶埋部spa機和腿部舒活嗜喱，每日回家按摩按摩先可以繼續滑！Happy riding! 山上見！ 更多更新在 https://www.facebook.com/michsblog/
