儘管去working holiday的人數在過去幾年大增，但未去過的還是為數不少。就比例方面，我們還是屬於少數派，但沒關係，正如我們也未必了解留學生的生活，我們要的不過是一份尊重。 有些「誤解」是生活中常見的 A. Working Holiday就係去農場做"孤尼"，摘下水果lor 正解：去working holiday不一定要去農場工作。 B. Working Holiday就係要訓camp, 露宿街頭 正解：這個世界是有share house和hostel之分，雖然我知未必每個人都識。 C. Working Holiday只係為左賺錢 正解：Yes or no，上文提過，個人覺得以賺錢前提沒甚麼不對，只是賺錢外，有更多值得去做的事，而working holiday本意也不在賺錢。 D. 去過Working Holiday吾等於你住過係果度 正解：這個是我聽過最無奈(仲有少少嬲)的誤解。 解釋多少少最後果個誤解，我仲記得是由一個係澳洲回流香港的人同我講，當我講「我曾經係澳洲住過2年」，佢的反應係「你working holiday only，吾好講到自己住係果度咁，你都吾係澳洲人，你都吾stay得耐」大家覺得呢？ 住在澳洲2年是事實，跟我是否係澳洲人沒關係，同埋，咩叫working holiday吾等於住在當地？咁我果2年住邊？有些人就是不喜歡我們去完working holiday「扮到好似好識當地」，但事實上，這兩年經歷絕對夠了解當地生活和文化，只要你有心。 Working holiday自由度高，沒有工作和生活負擔，2年走遍澳洲每個大城市，再穿梭小地方，我敢講我們留低的腳毛不會少。換宿、住大城市、買車自駕、認識當地澳洲人、去雪山、做義工、聴gig、郊遊bbq...那一件不是當地人會做的事，而因為自由度大，我們比他們還要多；因為不認識，我們更願意學習。正如，我在香港也還到不少外國人，他們對香港的歷史比我還要熟，對香港十八區的了解連我都自愧不如，我反而更欣賞他們對香港的這份愛。 在別人的國家，我們有工作，有付出，有交稅，有生產力，其實比起拎住本澳洲公民passport回流香港的那個人，我反而想問，咁你宜家算住係香港呀？ ↑寄宿當地人的帆船，用航行體驗澳洲的藍，左起：澳洲人、日本人、德國人、香港人、澳洲人
