大糖嶺白桃梳乎厘，每次黎都期待佢既新menu，今次有期間限定嘅新口味，必定要試下啦! 日本甜度達到13.5度既大糖嶺白桃，一黎到清香非常，新鮮得黎唔係甜到漏，又香甜多汁，配上三大塊濃郁蛋味梳乎厘，超鬆軟! 仲有空氣感十足既cream 同埋雪糕，好正。最鍾意佢成份食完唔會好甜膩，滿足感十足! 雜菌大蝦燉飯，超香鮮蝦味，兩隻大蝦新鮮啖啖肉， risotto 好味，芝士唔會太漏飯粒唔會太硬，但又做到少少拉絲同埋sticky質感。 巴斯克芝士蛋糕，很濃郁芝士香氣，口感濕潤，表皮烤到微微焦香，加埋cream 食都唔會太膩，覺得呢度既空氣感cream 做得幾出色。Earl Grey Latte (凍)，清香既Earl Grey 味，清涼舒服! 彩色鮮奶咖啡 (紫薯)，拉花可愛，有淡淡既紫色好有文青feel! 紫薯同奶既比例均勻，唔會搶左大家既味道。 近日餐廳仲同插畫家合作，杯墊、小卡片同埋門口都搵到靚靚治癒既畫作，非常日系感，周圍佈滿好多紛紅乾花同埋小樹，有夏祭既感覺。
