天氣好熱好焗，係中環文青一日遊之後好想搵個地方坐下，行行下就去左上環呢間唔係太起眼既café。餐廳係有條小樓梯上去，唔係好大，因為去個日既時間都算遲，所以少人同埋坐得舒服。 同朋友一人叫一杯飲品，houjicha latte 同Cappuccino，再share 一個小甜點。 Dirty Croissant，牛角包上面有一大球雲呢拿雪糕，全隻碟都充滿朱古力醬，仲有D開心果果仁既碎粒。牛角包都幾酥脆暖暖地，連埋雪糕食就透心涼，再加埋朱古力醬既香甜同埋果仁粒既香脆，口感層次豐富，食完有種治癒滿足感。 houjicha latte，一睇拉花都知奶味好重，整體偏甜，但都飲到焙茶既少少苦甘，本身都鍾意飲甜既，但如果再多D焙茶既味道就更好。 Cappuccino，不錯，咖啡味道濃而口感順滑。 後尾睇返openrice 先知呢個都幾多人讚佢D咸食，有機會的話想試下。
