少人飲既話可以去D酒樓以外既選擇，呢間係地鋪好易搵到。中午黎食，全店都滿座，叫外賣既人都多，非常受街坊歡迎。 晶瑩鮮蝦餃，黑魚子燒賣，必食，原隻蝦好鮮味，皮薄餡足，燒賣豬肉同魚子味香。可兩隻或4隻咁叫。 雪山焗叉燒包，啖啖都有包有餡。香芒凍布甸，好強奶味，有新鮮芒果肉。 原隻鮮蝦腸，每條都有兩粒大隻鮮蝦。 脆脆野菌腸，非常特別，滑滑既腸粉入面又有網紋春卷，係菇菌素食，香脆可口。鮮竹牛肉球，薑蔥牛柏葉，經典之選，牛柏葉爽口彈牙。濃芝士煙肉春卷，有新鮮感加上帶點咸香，非常不錯。 蜆蚧鯪魚球，有6粒都幾多，皮脆魚肉彈口。 燒汁釀虎皮尖椒，對我黎講有點辣，但肉質飽滿。 呢度既店員都好有禮貌，添水非常快，上菜同收碟都好快又唔會漏單。我地叫左香片，的確不錯，真係幾清香。
