我地坐左係bar 枱，如果餐廳外冇人排隊就可以好chill咁睇住街景嘆午餐，如果出面有長龍排隊就好似俾人望住自己食野咁啦~不過我地都一於好少理，享受我地既brunch! Salmon Eggs Benedict，佢本身已經切好左兩份，方便分享。水波蛋震震下好治癒，切開食即刻流心，蛋汁濃味夠滑加埋帶有咸香味既smoked salmon，脆脆既酸種包，各種味道混合埋非常好味。而自家製蛋黃醬亦夠厚身，唔會漏到周圍係，我自己幾鍾意! 配埋新鮮既沙律菜，一D都唔膩。 Black Truffle Poutine ，我地冇諗過個薯條係咁大份，好多黑松露，一上菜好香，加埋芝士好邪惡，我地最後食唔晒，下次要多D人黎先叫呢個至得! 想飲下冇咖啡既飲品都有好多選擇，Black Sesame Latte，好香黑芝麻味!仲有個好特別既大笨象拉花，奶味同黑芝麻味比例適中。隻杯都好靚。杯杯既拉花都唔一樣嫁，好有心思，而且真係好適合打卡，亦都搞到好想學咖啡拉花。 Charcoal Latte ，聽聞係最signature 既咖啡，朋友喜歡佢個陣炭味既感覺，飲落少少酸中帶苦。拉花又係超靚超有feel! 我鍾意餐廳樓底高，而且位置係後街相對冇咁繁忙，相對個環境係寧靜D，舒服D。餐廳勁好服務但竟然係唔會加服務費，炮台山呢間好多一定大細黎食!
