波士頓龍蝦叻沙摻摻🦞($88)超級推薦，味道好！有特色！份量多！🧚🏼♀️摻摻係米粉加油麵，份量勁多，索哂啲叻沙湯底，極度惹味❤️🔥 叻沙係輕微嘅辣，充滿住椰香味🥥然後重頭戲就係隻龍蝦！ 蝦肉勁多，提供埋個鉗去拆蝦肉，拆蟹鉗啲肉好方便，而龍蝦身一扯就成舊肉出黎，蝦肉好彈牙，絕對冇將價就貨，然且仲配埋三大塊魚片，賣貴一百蚊都會覺得抵食🤤 招牌海南雞飯 🍗($68)見到每日限量100份，即刻點份黎試吓！ 不得了，💯分！ 油飯得好香，又唔會覺得油膩，仲加埋爆香咗嘅蒜粒，食落有口感又惹味😋 啲雞都好滑嫩，加埋甜甜地嘅黑豉油，而且仲配埋酸蘿蔔，真係送飯一流👍🏻華田曲奇妙趣🍪(+$9)華田底加Cream加曲奇，個曲奇浸咗入華田之後好好飲。而啲Cream 撈埋華田飲都唔會好heavy，甜甜地幾好飲✨ Tea 拼盤(2人) 🍰($68)Tea Set勁豐富，有2件炸雞翼、2件雞鎚、紫菜薯條🍟、沙律🥗、同埋Cheesecake！ 講真全部味道都好掂，特別係炸雞翼同雞鎚，唔單止上枱個陣係熱辣辣🔥，調味都調得好好，而且雞件好滑嫩🍗紫菜薯條都好脆身，食落有紫菜粉味，但可以再重手多少少🤏雜果沙律正常發揮幾好開胃，而Cheesecake 係偏輕盈冇餅底，好似乳酪cheesecake咁，幾開胃同每啖都有芝士味🧀樽仔奶茶☕️(+$9)奶茶茶底好香濃，飲落好順滑，連奄尖嘅奶茶愛好者(飯桶媽🍚) 都讚好💕唯一問題因為冇得調教甜度，所以感覺有少少偏甜，個feel有啲似泰式奶茶 榛子醬西多士 🍫($35)西多士勁熱辣辣，一上枱望住塊牛油🧈溶係面真係好治癒，切開嘅榛子醬俾想像中少，但食落都好重榛子醬🌰，好邪惡又好好味！紅豆冰🍹(+$9)巨量多紅豆，一開始見佢都有幾多冰，驚會溝稀牛奶味，好彩飲落唔會好稀，亦都唔會過份甜，而且啲紅豆係適量甜，好易入口❣️ 地址：雪山冰廳 深水埗青山道62D號地舖IG:Ｒicebucket_sis
