深水埗竟然有間隱世小店，有做串燒嘅Omakase！見到咁有Gimmick 就去試下食，環境唔算好大，但估唔到食物好有水準，值得一薦🧚🏼♀️ 口水鵝腸 (9.5/10) 🍲好有驚喜嘅前菜，因為平時食得口水雞多，以為好似川味口水雞啲frd好濃味。點知食落口好fresh✨鹹鹹地好輕微嘅辣，配埋入哂味爽口又有咬感嘅鵝腸，好perfect😋 串燒（沙喱雞、脆骨雞肉丸子、冬陰雞、汁燒牛肋肉、黑豚五花腩）9/10 🍢先講沙嗲雞同冬陰雞都好入味，兩種調味都好出，冬陰味好有驚喜，因為真係好冬陰🥘脆骨雞肉丸子要俾100分，超級好味唔單止入味，而且啲脆骨撈入去豐富咗口感👍🏻然後牛肋肉係好脆口，略嫌偏濃咗少少🤏黑豚五花腩有油脂得黎，肥瘦適中，掂檔🥓 炸雞 (9.5/10) 🍗 好脆炸粉亦都好滑，食落口脆卜卜又唔油膩❣️ Even 個Cream都好夾個雞，相信配酒黎食係一流🍻 厚切餐肉煎蛋麻辣撈丁(8.5/10)🍜估唔到撈丁都做到咁出色，全部入哂味得黎，又有彈性，唔會太乾或者太濕，味道係微微麻辣，好過癮🌶 厚切午餐肉又係啱啱好，外脆肉軟，唔係cheap cheap午餐肉質感，配埋濃邊蛋，真係邪惡嘅美食🍳 Extra comment🖍•餐廳主打串燒Omakase ，有做埋Dinner Set Promo，around 280蚊包前菜、炸物、串燒、主食、炒雜菜同飲品🥙•唔見餐廳有招牌，但門口放咗露營椅都幾易認，入面座位唔算多，比較啱一兩個人黎食⛺️ 串點 長沙灣興華街38號地下3號舖IG:Ricebucket_sis
