今次黎到觀塘良心小店Gali💛，價錢平得黎食物質素仲要幾高，值得介紹一下👍 奶油咖喱軟殼蟹🦀($75 連白飯及罐裝飲品）呢個價錢食到成隻軟殼蟹，真係好抵食 隻軟殼蟹炸得夠脆，有少少燶，但肉質Keep到嫩滑。 咖喱上台時熱辣辣，奶油咖喱偏酸，唔辣嘅同時亦唔算甜，可惜奶油味都唔算重，不過不失，兩個飯桶都覺得香料咖喱好食啲蒜蓉烤餅(6片)(+$15 套餐白飯轉)厚身烤餅，偏軟身唔會好乾，大大塊非常飽肚。而且唔會好油膩，可惜蒜蓉味唔太重。 香料咖喱牛腩🍛($68 連白飯加罐裝飲品)好好食！真材食料，有約十大塊牛腩及幾粒薯仔，非常足料 牛腩好嫩，肥瘦適中，而且好入味，值得一試。咖喱係偏大眾口味，比譚仔酸辣再輕一個level，唔食辣嘅朋友應該都可以接受。鋪頭嘅咖喱，我哋兩個飯桶都覺得少少少偏酸，但撈埋飯食又balance翻。飯方面偏乾身又唔會太硬，做到粒粒分明，配埋咖喱食就唔會太淋，保留到口感。印度香料奶茶☕(+$13 罐裝飲品轉)好重茶香同埋香料味，但又好易入口。而且落足奶，好香滑，甜度亦都適中，更加唔會苦澀，非常易入口，無論鍾唔鍾意飲奶茶嘅朋友都可以試下。 芒果乳酪🥭(+$13 罐裝飲品轉)平時啲印度餐廳嘅芒果汁都超甜，所以本身都怕會飲到渴喉，好彩杯芒草乳酪好重乳酪味，成杯都feel到乳酪嘅存在，造就出好香芒果味，又有乳酪質感，唔會太甜，唯一挑剔係大杯啲就好Extra comment:•地方都幾大同舒適，樓頂仲有幾盞靚靚吊燈，可惜就係冇廁所Gali 地址: 觀塘駿業里6號富利工業大廈14樓B號舖IG: Ricebucket_sis
