最近去到新蒲崗尋寶，意外發現Mikiki新開咗一間叫Tiger Lily嘅餐廳🍽️ 食過後覺得性價比好高，又好啱打卡，即係介紹下📸 餐廳環境好闊落，亦都充滿少女感🌸 點擊圖片放大 我哋total 叫咗四個set ，同埋一個甜品，全部都好有驚喜🎉 燒烤豬肉薄餅（大) 🍕 ($138) 薄餅底明顯有烤到脆身，屬於外脆內軟，包底唔厚唔薄，啱啱好！中間有一層bbq醬同慢煮豬肉，同埋菠蘿，仲有少少甜洋蔥係個面，成個pizza都好juicy，同好多層次。 奇異果白檸梳打🥝 (+$26) 少少酸，多多趣。本身見到咁多奶泡有少少驚會好heavy，但飲落都幾fresh，特別係奇異果果籽啲粒粒，幾有衝擊。 烤南瓜意大利飯 🎃 ($78) 甜甜地嘅烤南瓜意大利飯，Risotto芝士味好濃郁，而且唔會偏軟或者好硬，真係煮到少少生但又有口感同煙韌嘅質感。最特別係佢哋加咗粟米同核桃，令到成個飯變得好crunchy，好味加有驚喜 烤三文魚明太子意粉 ($138) 意粉煮得好有彈性，明太子蝦忌廉醬汁唔會好鹹又唔油膩，配埋菇菌，好易入口。明太子數量偏少同偏細粒，所以存在感唔太高，煙三文魚質量幾高，少少鹹又幫到個意粉提味。個蒜蓉包就要襯熱食，好重牛油香味，而蒜蓉味就略為失色，因為影相影耐咗就有少少淋。 熱白桃四季春茶🍵 (+$19) 好香白桃味，一開始飲嘅時候覺得茶味唔重，飲到後面加埋食過甜品，就覺得佢有少少太濃。 扒芝士火腿三明治配帕馬森起司脆片 ($68) 好重芝士！好多層火腿！本身個三明治唔算烘得好脆，所以個脆片佢昇華咗好多，食落口即係feel到脆卜卜，如果冇咗個脆片應該失色咗好多。另外，仲有配埋薯條，幼薯條就冇咩特別，正正常常咁。 意大利芝士蛋糕 ($58) 可可味非常濃郁，咖啡味都有，又唔會苦或者澀，芝士亦香濃軟滑，而Tiramisu內裏好濕潤鬆軟，整體冇好厚重油膩嘅感覺，唯獨酒味唔重。58蚊大大件加埋色彩繽紛嘅生果，真係好掂檔 羅宋湯 (隨餐免費附送） 足料羅宋湯，有唔同蔬菜，增加咗層次感，味道濃郁，但偏酸，飲完好開胃醒神! Extra comment: •有好多素食Choice，Menu上面有標明邊啲係素食 •飲品可以跟Set或者Main加配，除咗沙冰其他都係半價 Tiger Lily (新蒲崗)🐯 新蒲崗太子道東638號MikikiLG樓5號舖 ig: Ricebucket_sis
